జాతిరత్నాలు దర్శకుడి కొత్త సినిమాకి ఆ పని కూడా పూర్తయ్యింది

జాతి రత్నాలు సినిమాతో దర్శకుడిగా మంచి పేరును దక్కించుకున్న అనుదీప్‌ వెంటనే తమిళ యంగ్‌ స్టార్‌ హీరో శివ కార్తికేయన్ తో సినిమా చేసేందుకు సిద్ధం అయ్యి అందరిని ఆశ్చర్యపర్చాడు. శివ కార్తికేయన్‌ ని అనుదీప్‌ ఒప్పించి ఆయనతో సినిమా చేసేందుకు సిద్ధం అవ్వడం చాలా పెద్ద విషయం అన్నట్లుగా ఇండస్ట్రీ వర్గాల వారు కూడా ఆశ్చర్యం వ్యక్తం చేశారు.

అనుదీప్ పై జాతిరత్నాలు సినిమా తర్వాత చాలా అంచనాలు ఉన్నాయి. అలాంటి సమయంలో తమిళ హీరోతో ద్వి భాషా చిత్రంగా ప్రిన్స్ ను చేశాడు. సినిమాను చాలా స్పీడ్‌ గా పూర్తి చేసి విడుదలకు సిద్ధం చేశాడు. విడుదల తేదీ దగ్గర పడుతున్నా కొద్ది సినిమాపై తెలుగు మరియు తమిళ ప్రేక్షకుల్లో ఆసక్తి నెలకొంది.

ఈ మధ్య కాలంలో శివ కార్తికేయన్ హీరోగా నటించిన దాదాపు అన్ని సినిమాలు కూడా మంచి విజయాన్ని సొంతం చేసుకున్నాయి. కనుక ప్రిన్స్ తప్పకుండా భారీ విజయాన్ని సొంతం చేసుకుంటుందనే నమ్మకంతో తమిళ సినీ ప్రేక్షకులు ఎదురు చూస్తున్నారు.

ఇక జాతిరత్నాలు కారణంగా సినిమా తప్పకుండా బాగుంటుందని ప్రిన్స్ కోసం తెలుగు ప్రేక్షకులు వెయిట్‌ చేస్తున్నారు.

ఎప్పుడెప్పుడా అంటూ ఎదురు చూస్తున్న ప్రిన్స్‌ విడుదలకు సిద్ధం అయ్యింది. అక్టోబర్‌ 21వ తారీకున విడుదల కాబోతున్న ఈ సినిమాకు సెన్సార్ కార్యక్రమాలు పూర్తి అయ్యాయి. తాజాగా సెన్సార్ బోర్డ్‌ ఈ సినిమాకు క్లీన్ యూ సర్టిఫికెట్‌ ఇవ్వడంతో ఇది పక్కాగా జాతిరత్నాలు తరహా ఫుల్‌ లెంగ్త్‌ కామెడీ ఎంటర్‌ టైనర్‌ గా సాగుతుందనే నమ్మకంను ప్రేక్షకులు సినీ విశ్లేషకులు వ్యక్తం చేస్తున్నారు.

అనుదీప్ ఈ గండం కనుక గట్టు ఎక్కితే కచ్చితంగా ఆయన ముందు చాలా పెద్ద ఆఫర్స్‌ ఉండే అవకాశం ఉంది. శివ కార్తికేయన్ కి కూడా తెలుగు లో ఈ సినిమా తో మంచి ఎంట్రీ దక్కితే ఇక ముందు ఆయన నటించే ప్రతి తమిళ సినిమా కూడా తెలుగు లో సాలిడ్ బిజినెస్ చేసే అవకాశాలు ఉంటాయి అనడంలో సందేహం లేదు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.