వావ్.. టాప్ సెలబ్రిటీ ప్రియ!!

సీనియర్ నటి ప్రియ మోస్ట్ ఫేమస్ సెలబ్రిటీ అని చెప్పాలి. అదేనండీ.. రెబెల్ స్టార్ ప్రభాస్ మూవీ మిర్చిలో హీరోయిన్ రిచాకు తల్లిగా నటించిన మామిళ్ల శైలజా ప్రియ.. అందంతో పాటు యంగ్ మదర్ రోల్ లో బాగా ఆకట్టుకుంది ప్రియ. అయితే.. హీరో మదర్ గా చేసిన నదియా ఎక్కువ మార్కులు కొట్టేయడంతో, ఈమెకు మిర్చి తర్వాత పెద్దగా ఆఫర్లు రాలేదు.

ప్రస్తుతం ప్రియ వెండితెరపై యాక్టివ్ గా లేకపోయినా.. బుల్లితెరపై మాత్రం బాగానే సందడి చేస్తోంది. అనేక టీవీ సీరియల్స్ తో ఆడియన్స్ కు బాగానే కనెక్ట్ అయింది. చిరంజీవి - వెంకటేష్ - నాగార్జున- మహేష్ బాబు లతో కూడా కలిసి చేసిన అనుభవం ఈమెకు చాలానే ఉంది. ఇంత పరిచయం చేసి, మోస్ట్ ఫేమస్ సెలబ్రిటీ అంటారేంటీ అనుకోవచ్చు గానీ.. అసలు పాయింట్ అదే. సినీ ఇండస్ట్రీలో ఆఫర్స్ లేకపోవచ్చు కానీ.. ఆన్ లైన్ లో మాత్రం ఈమెకు బోలెడంత ఫాలోయింగ్ ఉంది.

ప్రస్తుతం ప్రియ ఫేస్ బుక్ పేజ్ కి ఫాలోయర్స్ ఎంతమందో తెలుసా? 35 లక్షలు. ఒన్ మిలియన్, 2 మిలియన్ అంటూ.. పదీ ఇరవై లక్షల ఫాలోయింగ్ ని అందుకునేందుకే టాప్ స్టార్స్ నానా తంటాలు పడుతున్న టైంలో.. ఓ కేరక్టర్ ఆర్టిస్ట్ కి 35 లక్షల మంది ఫాలోయర్స్ ఉండడం గొప్ప విషయమే కదా. ప్రియ చేసే పోస్ట్ లు, సెల్ఫీలకు ఆన్ లైన్ లో బోలెడంత ఫాలోయింగ్ ఉంది.