సోసోగా ఉన్న ఫ్రీక్ పిల్లా సాంగ్

ప్రియా వారియర్ డెబ్యూ సినిమా 'ఒరు ఆదార్ లవ్' సాధారణంగా అయితే మలయాళం ఒక్క భాషలో మాత్రమే విడుదలై ఉండేది. కానీ ఈ సినిమాలోని 'మాణిక్య మలరాయ పూవి' పాట లోని ఒక వీడియో క్లిప్ ను ప్రోమోగా విడుదల చేయడం.. ఆ వీడియోలో ప్రియాన్ కన్నుగీటే సీన్ కాస్తా అందరినీ క్లీన్ బౌల్డ్ చేయడంతో ప్రియా ఒక్కసారిగా సోషల్ మీడియా సెన్సేషన్ గా మారింది. క్రేజీ సెలబ్రిటీ స్టేటస్ సంపాదించింది. దీంతో 'ఒరు ఆదార్ లవ్' సినిమాను పలు భాషలలో రిలీజ్ చేస్తున్నారు.

ఈ సినిమాను తెలుగులో 'లవర్స్ డే' టైటిల్ తో ఫిబ్రవరి 14 వ తేదీన వాలెంటైన్స్ డే సందర్భంగా ప్రేక్షకుల ముందుకు తీసుకొస్తున్నారు. సినిమా విడుదలకు మరో ఎనిమిది రోజులే ఉండడంతో ప్రమోషన్స్ జోరుగా సాగుతున్నాయి. తాజాగా ఈ సినిమా నుండి 'ఫ్రీక్ పిల్లా' అంటూ సాగే వీడియో సాంగ్ ను విడుదల చేశారు ఫిలిం మేకర్స్. కాలేజీ స్టూడెంట్స్ ఫన్నీగా పాడుకొనే పాట ఇది. శ్రీజో ఈ పాటకు సాహిత్యం అందించగా దినకర్.. నీతూ నడువతెట్టు పాడారు. సంగీతం షాన్ రెహమాన్.

పాట మరీ ఎగ్జైటింగ్ గా ఏమీ లేదు.. సోసోగా ఉంది. ట్యూన్ యావరేజ్ గా ఉంది కానీ పిక్చరైజేషన్ మాత్రం కలర్ఫుల్ గా ఉంది. మరి ఈ పాట యూత్ కు ఎంతమాత్రం నచ్చుతుందో వేచి చూడాలి. ఇంకా ఎందుకు ఆలస్యం.. 'ఫ్రీక్ పిల్లా.. ఫ్రీక్ పిల్లా' అని హమ్ చేస్తూ వింక్ గర్ల్ పాటను చూడండి.