టాలీవుడ్ కి వస్తున్న కన్నుగీటు సుందరి?

ఆ మధ్య ఓ చిన్న టీజర్ లో కన్నుగీటడం ద్వారా లక్షలాది యూత్ ని బుట్టలో వేసుకుని ఓవర్ నైట్ సెన్సేషన్ గా మారిన ప్రియా ప్రకాష్ వారియర్ తెలుగులో ఎంట్రీ ఇవ్వబోతున్నట్టుగా తెలిసింది. తన డెబ్యు ఓరు ఆధార్ లవ్ తెలుగులో లవర్స్ డేగా డబ్బింగ్ రూపంలో వచ్చి ఆదరణ దక్కించుకోలేదు. టీజర్ కు వచ్చిన రెస్పాన్స్ లో కనీసం పావలా వంతు సినిమాకు రాకపోవడం ప్రియాకు ఒక రకంగా షాక్ గా నిలిచింది.

రెండో మూవీ శ్రీదేవి బంగ్లా ఏదో వివాదాలతో పబ్లిసిటీ చేశారు కానీ దాని గురించి తర్వాత ఎలాంటి అప్ డేట్ లేదు. అయినా కూడా ఓ ప్రత్యేమైన ఇమేజ్ కలిగిన ప్రియా వారియర్ ను టాలీవుడ్ కు పరిచయం చేసే దిశగా ప్రయత్నాలు జరుగుతున్నాయట. నితిన్ హీరోగా చంద్రశేఖర్ యేలేటి దర్శకత్వంలో భవ్య క్రియేషన్స్ నిర్మించే చిత్రంలో ప్రియా వారియర్ ఒక హీరొయిన్ గా ఎంపికైనట్టు టాక్. ఈ ప్రాజెక్ట్ ఇంకా అఫీషియ ల్ గా డిక్లేర్ కాలేదు.

శ్రీనివాస కళ్యాణం తర్వాత సుమారు ఏడాది గ్యాప్ తీసుకున్న నితిన్ ఏకంగా మూడు ప్రాజెక్ట్స్ ని లైన్ లో పెట్టాడు. వెంకీ కుడుముల డైరెక్షన్ లో భీష్మతో పాటు వెంకీ అట్లూరికి గ్రీన్ సిగ్నల్ ఇచ్చాడు. ఇవి కాకుండా ఇది మూడోదవుతుంది. విలక్షణ చిత్రాల దర్శకుడిగా పేరు తెచ్చుకున్న చంద్రశేఖర్ ఏలేటి మోహన్ లాల్ మనమంతా తర్వాత ఈ స్క్రిప్ట్ మీదే వర్క్ చేస్తున్నారు. అయితే ఈ మూడింటిలో ఫస్ట్ స్టార్ట్ అయ్యేది భీష్మ. మిగిలిన వాటిలో ఏది ముందు సెట్స్ పైకి వెళ్తుందో ఇంకొద్ది రోజులు ఆగితే కాని క్లారిటీ రాదు