నెల‌వంక టాట్టూతో చంపేసావులే!

వింక్ సెన్సేష‌న్ ప్రియా ప్ర‌కాష్ వారియర్ న‌టించిన `ల‌వ‌ర్స్ డే` (ఒరు ఆధార్ ల‌వ్) వ‌చ్చింది.. వెళ్లింది.. కానీ ఇంకా ప్రియా ప్ర‌కాష్ కుర్ర‌కారు క‌నుపాప‌ల్లోనే అలా స‌జీవంగా నిలిచి ఉంది. అంత‌గా ప్ర‌భావితం చేసిన ఆ క‌న్ను గీటుడు సీన్ ఇప్ప‌టికీ యూట్యూబ్ లో ట్రెండింగ్ అవుతూ ఉండ‌డం ఓ సెన్సేష‌న్ అనుకుంటే.. ఇంకా ఇంకా ఈ అమ్మ‌డు సెన్సేష‌న్స్ కు తెర తీసే ప‌నిలో ఉంది. ప్ర‌స్తుతం `శ్రీ‌దేవి బంగ్లా` అనే వివాదాస్ప‌ద చిత్రంలో న‌టించి జాతీయ స్థాయిలో మీడియా అటెన్ష‌న్ ని త‌న‌వైపు తిప్పేసుకుంది.

ప్రియా సోష‌ల్ మీడియాలో ఇత‌ర స్టార్ల‌తో పోలిస్తే ఎంతో యాక్టివ్ గా ఉంటుంది. అక్క‌డ అభిమానుల‌కు నిరంత‌రం ఏదో ఒక ట్రీట్ ఇస్తూనే ఉంది. లేటెస్టు ఫోటోషూట్ల‌తో ఇన్ స్టాగ్రమ్, ట్విట్ట‌ర్ లో అదే జోరు కొన‌సాగిస్తోంది. తాజాగా ఓ అదిరిపోయే ఫోటోని ప్రియా ప్ర‌కాష్ అభిమానుల‌కు షేర్ చేసింది. ఈ లుక్ అల్ట్రా రిచ్ రెబ‌లియ‌న్ స్టైల్ తో మైమ‌రిపించింది. ప‌సుపు రంగు టాప్.. కాంబినేష‌న్ గాగుల్స్ .. డార్క్ లిప్ స్టిక్ .. బాట‌మ్ లో చార‌ల మిడ్డీ తో కుర్ర‌కారు గుండెల్లో సైర‌న్ మోత మోగించింది. ముఖ్యంగా ఆ వీపు భాగంలో ప‌చ్చ‌బొట్టును ఎలివేట్ చేస్తూ ప్రియా ఇచ్చిన ఫోజు మ‌తి చెడాల్సిందే.

ప్రియా ప్ర‌కాషేనా? రెబ‌ల్ స్టార్ అని పిల‌వాలా? అంటూ బోయ్స్ తెగ ఇదైపోతున్నారు. నెల‌వంక ప‌చ్చ‌బొట్టు సంథింగ్ స్పెష‌ల్ అంటూ బోయ్స్ సోష‌ల్ మీడియాలో వైర‌ల్ చేసేస్తున్నారు. ప్రియా స్పీడ్ చూస్తుంటే సోష‌ల్ మీడియాలో దీపిక‌, స‌న్నీలియోన్, ఆలియా లాంటి స్టార్ల‌ను ఇంకా వెన‌క్కి నెట్టేయ‌డం ఖాయంగా క‌నిపిస్తోంది. మొత్తానికి అభిమానులకు ఎలాంటి ట్రీట్ ఇవ్వాలో ప్రియాకి బాగానే వంట‌బ‌ట్టింది. సోష‌ల్ మీడియా ఫాలోవ‌ర్స్ ని త‌గ్గ‌కుండా బ్యాలెన్స్ చేయ‌గ‌లిగితే వాణిజ్య ప్ర‌క‌ట‌న‌ల రూపంలో ఆ మేర‌కు మ‌నీ ఎర్నింగ్ పాకులాట వీజీనే.