భావన వేడుకలో ప్రియమైన జంట

ఒంటరి సినిమాతో తెలుగు తెరకు పరిచయమైన అందమైన మల్లూ బ్యూటి భావన ఇక్కడ బారి సినిమాల్లో నటించలేదు గాని కోలీవుడ్ మలయాళం లో మాత్రం కొంచెం పెద్ద సినిమాల్లో నటించి మంచి హీరోయిన్ గా గుర్తింపు తెచ్చుకుంది. అయితే ఆ మధ్య ఓ వివాదం వలన కెరీర్ పరంగా సతమతమైన భావన ఎట్టకేలకు తన పెళ్లితో అంతా కూల్ గా సెట్ అయ్యేలా చేసుకుంది. తనకు నచ్చిన యువకుడిని పెళ్లి చేసుకొని ప్రస్తుతం పార్టీలతో ఎంజాయ్ చేస్తోంది.

రీసెంట్ గా భావన - నవీన్ ల రిసెప్షన్ గ్రాండ్ గా జరిగింది. కొంత మంది సినీ తారలు రాజకీయ ప్రముఖులు అలాగే వ్యాపారవేత్తలు పార్టీకి ప్రత్యేక అతిధులుగా హాజరయ్యారు. అయితే పార్టీలో ఎక్కువసేపు సందడి చేసింది మాత్రం ప్రియమణి దంపతులే. ప్రియమణి - ముస్తఫా రాజ్ ల వివాహం గత ఏడాది ఆగస్టు లోనే జరిగింది. ఇక వీరిద్దరూ భావన ఇచ్చిన పార్టీలో ప్రత్యేకంగా నిలిచారు.

వారికి తోడుగా పారుల్ యాదవ్ కూడా జత కలిసింది. ప్రస్తుతం ఈ బ్యూటీ మలయాళం కన్నడ సినిమాలతో చాలా బిజీగా ఉంది. అయితే ఈ హీరోయిన్స్ కు భావనతో మంచి రిలేషన్ ఉండడంతో రిసెప్షెన్ లో సందడి చేశారు. ఇక చివరగా కొన్ని సెల్ఫీలకు స్టిల్స్ కూడా ఇచ్చారు. ఇక పెళ్లైన కూడా భావన ప్రియమణి సినిమాల్లో నటిస్తున్నారు. ప్రస్తుతం ఇద్దరు కొన్ని సినిమాలతో బిజీగా ఉన్నారు.