కాళ్ల కామెంట్స్ పై పీసీ కౌంటర్

బాలీవుడ్ బ్యూటీ ప్రియాంక చోప్రా హాలీవుడ్ లో వెలిగిపోయేందుకు విపరీతంగా ప్రయత్నిస్తున్న సంగతి తెలిసిందే. రీసెంట్ గా రిలీజ్ అయిన తన మొదటి హాలీవుడ్ మూవీ బేవాచ్ ప్రమోషన్స్ కోసం పీసీ తెగ కష్టపడిపోతోంది. ప్రస్తుతం ఈ మూవీ ప్రచారంలో భాగంగా బెర్లిన్ లో ఉంది ఈ బ్యూటీ.

అనుకోకుండా జరిగిందో.. ముందుగా అలా ప్లాన్ చేసుకుందో కానీ.. భారత ప్రధాని నరేంద్రమోడీ బెర్లిన్ లో ఉన్నపుడే ఈమె కూడా అక్కడ ఉండడం.. ఓసారి మర్యాదపూర్వకంగా కలవడం జరిగాయి. అయితే.. ఆ సమయంలో ప్రియాంక డ్రెసింగ్ పై నెటిజన్స్ విరుచుకుపడ్డారు. 'నువ్వు భారత దేశ ప్రధానిని కలుస్తున్నపుడు కనీసం కాళ్లను కప్పుకోవడం కూడా తెలీదా' అంటూ ఆమెను నిలదీశారు. దీనికి ప్రియాంక చోప్రా డైరెక్టుగా రియాక్ట్ కాలేదు కానీ.. సోషల్ మీడియా ద్వారానే ఆన్సర్ ఇచ్చింది. తన కాళ్లు ఇంకా ప్రస్ఫుటంగా కనిపించేలా డ్రెసింగ్ చేసుకుని పోజ్ ఇచ్చింది. పైగా ఈ ఫోటోలో తన తల్లి మధుచోప్రా కూడా ఉండడం విశేషం.

ప్రియాంక తన కాళ్లను చూపించడమే కాకుండా.. ఆమె తల్లి కూడా షార్ట్ డ్రెస్ వేసుకోవడం మరీ ఆశ్చర్యకరమైన విషయం. 'కాళ్లకే ఇవి రోజులు. మధుచోప్రాతో కలిసి బెర్లిన్ లో గడుపుతున్న రాత్రులు' అంటూ కామెంట్ కూడా పెట్టింది. మరి ప్రియాంక ఇచ్చిన పంచ్ లాంటి ఆన్సర్ అర్ధమయ్యే ఉంటుంది కదూ.

Like Us on Facebook : https://www.facebook.com/Tupakidotcom/