అందరి కన్నా ప్రియాంకకే ఎక్కువ

ప్రియాంకా చోప్రా.. అటు బాలీవుడ్లో నే కాక ఇటు హాలీవుడ్ లో కూడా ఆమె హవా గట్టిగానే నడుస్తోంది. బాలీవుడ్ లో తనకంటూ ఒక స్టార్ ఇమేజ్ ను అతి తక్కువ సమయంలోనే పొందిన ప్రియాంక క్వాంటికో టీవీ సిరీస్ ద్వారా హాలీవుడ్ ప్రేక్షకులకు పరిచయమైంది. బే వాచ్ అనే సినిమాలో నటించిన ఈమె ఇప్పుడు న్యూ యార్క్ లోనే నివసిస్తోంది.

అయినప్పటికీ బాలీవుడ్ తో గట్టి సంబంధాలు ఉంచుకున్న పిగ్గీ చాప్స్ ఇక్కడి విషయాలు బాగానే తెలుసుకోవడమే కాక వార్తల్లో కూడా తన పేరు ఉండేలా చూసుకుంటోంది. ఇన్స్టాగ్రామ్ లో అత్యధిక ఫాలోయర్లు నమోదు చేసుకుంటూ రికార్డ్ సృష్టించింది. 25 మిలియన్ మార్కును దాటగా "25 మిలియన్.. మీ ప్రేమకు కృతజ్ఞతలు." అంటూ పోస్ట్ చేసింది పీసీ. దీపికా పడుకొనే 24.9 మిలియన్ మరియు 22.7 మిలియన్ తో భారత క్రికెట్ జట్టు కెప్టెన్ విరాట్ కోహ్లీ ప్రియాంకా తరువాతే ఉన్నారు.

అటు హాలీవుడ్ ఇటు బాలీవుడ్ లో తన ప్రతిభ చాటుకుంటున్న ప్రియాంక అమెరికా పాపులర్ సింగర్ అయిన నిక్ తో పీకల్లోతు ప్రేమలో ఉందన్న సంగతి తెలిసిన విషయమే. ఈమె ఇటీవల అతనిని ఇండియా తీసుకొచ్చి తన కుటుంబానికి పరిచయం చేసింది. ప్రియాంక - పరిణీతి - నిక్ కలిసి గోవా వెళ్లిన సంగతి కూడా తెలిసిందే.