హాలీవుడ్ బాయ్ ఫ్రెండ్ తో దొరికేసింది

బాలీవుడ్ నుంచి హాలీవుడ్ కెళ్లి అక్కడ రాణిస్తున్న ఇండియన్ బ్యూటీ ప్రియాంక చోప్రా. కెనడియన్ పాపులర్ టీవీ సిరీస్ క్వాంటికోలో రెచ్చిపోయి మరీ నటించి అక్కడి వారందరి మతులు పోగొట్టేసింది. దాంతో హాలీవుడ్ లో బాగానే పాపులరయింది. అదే ఊపుతో బేవాచ్ సినిమాతో హాలీవుడ్ సినిమాల్లోనూ అడుగుపెట్టింది. కానీ లక్ కలిసిరాక బేవాచ్ సినిమా ప్రేక్షకులను పెద్దగా ఆకట్టుకోలేదు.

హాలీవుడ్ లో ప్రియాంకకు దొరికింది ఒక్క పాపులారిటీయే కాదు. చాలారోజులుగా అక్కడ ఉండటంతో ఓ మంచి బాయ్ ఫ్రెండ్ కూడా దొరికినట్టే ఉన్నాడు. అమెరికన్ సింగర్.. యాక్టర్ నిక్ జోనాస్ తో ప్రియాంక ఈ మధ్య చెట్టపట్టాలేసుకుని తిరుగుతోందని రూమర్ వచ్చిన సంగతి తెలిసిందే. తాజాగా వీళ్లిద్దరూ కలిసి ఓ రెస్టారెంట్ కి వెళ్లి కలిసి డిన్నర్ కూడా చేశారు. ఈ డిన్నర్ కు వెళ్లేటప్పుడు కారు దిగిన దగ్గర నుంచి రెస్టారెంట్ లోపలకు వెళ్లేంతవరకు జోనాస్ ఆమె వెనుకే ఉండి బాడీగార్డ్ లాగా ఆమెను కాపాడుకుంటూ వచ్చాడు. రెస్టారెంట్ లో కూడా వాళ్లిద్దరూ చాలా క్లోజ్ గా మూవయ్యారని.. నిక్ భుజాలపై తలపెట్టి మరీ కబుర్లు చెప్పిందని రెస్టారెంట్ లో ఉన్న జనాలు లీకులిచ్చేశారు.

నిక్ తో కలిసి ప్రియాంక కనిపించడం ఇది మొదటిసారేం కాదు. వాళ్లిద్దరూ ఇంతకుముందు కలిసి తిరుగుతూ కనిపించారు. వాళ్ల రిలేషన్ షిప్ గురించి ప్రశ్నించినా వెరీ క్యాజువల్ అంటూ స్మార్ట్ గా ఆన్సరిచ్చారు. క్యాజువల్ అంటున్నా వాళ్లిద్దరూ బాగానే క్లోజయ్యారని హాలీవుడ్ జనాలు చెబుతున్నారు. అందరూ నోటీస్ చేసేంత క్లోజ్ గా మూవ్ అవుతున్నా క్యాజువల్ అనేస్తే ఎలా ప్రియాంకా?