ఫోటో టాక్‌: పీసీ లుక్ ప‌టాసే

సోష‌ల్ మీడియాలో ఏదైనా తేడా జ‌రిగితే అభిమానుల నుంచి తార‌ల‌కు కోటింగ్ ఉంటుంద‌న్న సంగ‌తి తెలిసిందే. ప్ర‌తిదీ పెర్ఫెక్ట్ గా ఉండాలి. ఎక్క‌డ ఏ తేడా క‌నిపించినా ఫ్యాన్స్ నుంచి సూటిగా ప్ర‌శ్న‌ల్ని ఎదుర్కోవాల్సి ఉంటుంది. త‌మ ఫేవ‌రెట్ స్టార్స్ ని ఇంచి ఇంచి కొలిచి కొలిచి ఆరాధించి అభిమానులు తీక్ష‌ణంగా చూస్తారు కాబ‌ట్టి ఈ లోపాల‌న్నీ బ‌య‌ట‌ప‌డిపోతుంటాయి.

అయితే ఇక్క‌డ క‌నిపిస్తున్న ఈ ఫోటోలో అస‌లు లోపం ఏం ఉందో చెప్ప‌గ‌ల‌రా? ఒక మామూలు వ్యూవ‌ర్ అయితే అంత తేలిగ్గా చెప్ప‌లేడు. కానీ ఒక వీరాభిమాని మాత్రం ఆ ఫోటోలో ఉన్న లోపాన్ని ఇదీ అని తేల్చి చెప్పేశాడు. ``నాకు ఈ గెట‌ప్ లో తేడా క‌నిపిస్తోంది. మేక‌ప్ స‌రిగా లేదు (మేక‌ప్ మాల్ ఫంక్ష‌న్). అలా అని మీకు అనిపించ‌డం లేదా? పీసీ ఫేస్ లో రంగులు ఒరిజినాలిటీకి మ్యాచ్ కావ‌డం లేదు. ఆ మెడ రంగుకి.. ముఖంలో రంగుకి ఎంతో తేడా క‌నిపిస్తోంది`` అంటూ డీటెయిలింగ్ ఇచ్చాడో గ‌డుగ్గాయ్.

ఏదైతేనేం.. మెడ నుంచి దిగువ‌గా న‌య‌గారా జ‌ల‌పాతం ప్ర‌వ‌హిస్తోందా? అన్నంత‌గా ఆ డిజైన్ పీసీ కి అలా సెట్ట‌యిపోయింది. వైట్ అండ్ వైట్ డిజైన‌ర్ డ్రెస్ లో అల్ట్రా మోడ్ర‌న్ కార్పొరెట్ లుక్ లో పీసీ క‌నిపించింది. ఈ రూపం ప్ర‌స్తుతం యువ‌త‌రం లో జోరుగా వైర‌ల్ అయిపోతోంది. గ‌త కొంత‌కాలంగా ఫ్యామిలీతో, నిక్ జోనాస్ తో క‌లిసి ఉన్న ఫోటోల్ని షేర్ చేసిన పీసీ .. ఈసారి మాత్రం కాస్త డిఫ‌రెంటుగానే క‌నిపించింది. నిక్ జోనాస్ తో ఏకాంత స‌మ‌యంలో ఉన్న‌ప్ప‌టి ఫోటోల్ని ఇక‌పై షేర్ చేయ‌కూడ‌నంత‌గా ఇటీవ‌ల నెటిజ‌నులు పీసీపై తిట్ల వ‌ర్షం కురిపించారు కాబ‌ట్టి .. కాస్తంత జాగ్ర‌త్త‌గానే ఉంటోంద‌న్న‌మాట‌!