పాక్ మూవీకి ప్రియాంక ఓకే?

బాలీవుడ్ బ్యూటీ ప్రియాంక చోప్రా బోర్డర్లను ఎప్పుడో దాటేసింది. అమెరికా వెళ్లి హాలీవుడ్ సీరియల్ క్వాంటికో లో కూడా ఫుల్ లెంగ్త్ పాత్రలో నటిస్తోంది. ఇప్పటికే బాలీవుడ్ క్వీన్ గా నిరూపించుకున్న ప్రియాంక.. కుదిరితే పాకిస్తాన్ సినిమాలో కూడా చేస్తానని తేల్చి చెప్పేసింది. తనకు సరైన ఆఫర్ వస్తే తప్పకుండా పాక్ సినిమాలో నటిస్తానంటోంది ఈ భామ.

పాకిస్తాన్ కి తరచుగా వెళ్లేందుకు తనకు ఎలాంటి అభ్యంతరాలు లేవని, అసలు వెళ్లాలనే కోరిక తనలో చాలా కాలంగా ఉందన్న ప్రియాంక.. తాను ఒక నటినని, మంచి సినిమాలో అవకాశం వస్తే ఎట్టి పరిస్థితుల్లోనూ వదులకోనని అంటోంది. అయితే.. ఇలా పాక్ మూవీని యాక్సెప్ట్ చేయడంలో.. అన్నింటికంటే ఎక్కువగా స్క్రిప్ట్ కే ఎక్కువ ప్రాధాన్యత ఇస్తానని చెప్పింది. ప్రస్తుతం బాజీరావ్ మస్తానీ చిత్రం సక్సెక్ ను ప్రియాంక చోప్రా ఎంజాయ్ చేస్తోంది. ఇంకా చెప్పాలంటే తన కెరీర్ లోనే టాప్ స్టేజ్ లో ఉందిప్పుడు. తాజాగా ఉత్తమ నటిగా పీపుల్స్ ఛాయిస్ అవార్డును అందుకున్న ప్రియాంక.. ఈవెంట్లలో ప్రెజెంటర్ గానూ సత్తా చాటుతోంది.

ఇప్పటికే అమెరికాలో ఎఫ్ బీఐ ఆఫీసర్ ట్రైనీ రోల్ ను ఇరగదీస్తున్న ఈ బాలీవుడ్ భామ త్వరలో జై గంగాజల్ చిత్రంతో సూపరిండెంటెండ్ ఆఫ్ పోలీస్ గానూ కనిపించనుంది. ఇప్పుడు పాక్ సినిమాకు అంగీకరిస్తానని చెప్పి, తనలోని నటిని ఏ బోర్డర్స్ ఆపలేవని నేరుగానే ప్రకటించింది. సరైన ఆఫర్ గానీ వచ్చిందంటే.. అక్కడ కూడా ప్రియాంక చోప్రా సత్తా చాటుతుందనడంలో ఎలాంటి సందేహాలు అవసరం లేదని, బాలీవుడ్ పండిట్స్ అంటున్నారు.