ఫస్ట్ లుక్: 'మ్యాట్రిక్స్ 4' లో వైవిధ్యమైన పాత్రలో ప్రియాంక..!

బాలీవుడ్ బ్యూటీ ప్రియాంక చోప్రా నాలుగు పదుల వయసు దగ్గర పడుతున్నా ఇప్పటికీ చెక్కుచెదరని అందంతో కుర్ర హీరోయిన్లకు పోటీ ఇస్తోంది. ఇండియన్ సినిమాలతో పాటుగా హాలీవుడ్ చిత్రాల్లోనూ నటిస్తూ గ్లోబల్ స్టార్ గా మారిపోయింది. తన సోషల్ మీడియా హ్యాండిల్స్ నుండి తన భర్త జోనాస్‌ ను పేరుని తొలగించి వార్తల్లో నిలిచిన ప్రియాంక.. లేటెస్టుగా తను నటించిన హాలీవుడ్ సినిమా ''ది మ్యాట్రిక్స్ రిసరెక్షన్స్'' ఫస్ట్ లుక్ ని షేర్ చేసింది.

'మ్యాట్రిక్స్' సినిమాలకు ప్రపంచ వ్యాప్తంగా ఉండే ప్రేక్షకాదరణ గురించి ప్రత్యేకంగా చెప్పనవసరం లేదు. కీను రీవ్స్ ప్రధాన పాత్రలో ఈ సిరీస్ నుంచి ఇప్పటి వరకు వచ్చిన మూడు సినిమాలు ఘనవిజయం సాధించాయి. ఈ క్రమంలో రాబోతున్న నాల్గవ సినిమా ''ది మ్యాట్రిక్స్ రిసరెక్షన్స్'' కోసం సినీ అభిమానులు ఎంతో ఆసక్తిగా ఎదురుచూస్తున్నారు.

అయితే ఈ సైన్స్ ఫిక్షన్ మూవీలో ప్రియాంక చోప్రా కూడా కీలక పాత్ర పోషించింది. ఇన్స్టాగ్రామ్ వేదికగా 'మ్యాట్రిక్స్ 4' లో తన పాత్రకు సంబంధించిన క్యారెక్టర్ పోస్టర్‌ ను రిలీజ్ చేసింది ప్రియాంక.

''నేను ఇక్కడ ఉన్నాను. #TheMatrix 12.22.21ని రీ ఎంటర్ చేయండి. పలువురు నెటిజన్లు ఇందులో నా పాత్రను ఊహించారు. సతీ పాత్రకు గ్రోన్ అప్ వెర్షన్ అని అంటున్నారు. మరికొందరు మ్యాట్రిక్స్‌ లో నేను ఒరాకిల్ కావొచ్చని అంటున్నారు'' అని ప్రియాంక చోప్రా తన ఫస్ట్ లుక్ కి కామెంట్ జోడించింది.

తాజాగా వచ్చిన 'మ్యాట్రిక్స్' సిరీస్ లో ప్రియాంక చోప్రా లుక్ అందరినీ ఆకట్టుకుంటోంది. బాలీవుడ్ భామ డిఫరెంట్ హెయిర్ స్టైల్ తో ఇంటెన్స్ గా కనిపిస్తోంది. ప్రియాంక తను పాత్రకు సంబంధించిన ఇతర వివరాలీవే తెలియజేయనప్పటికి.. ఇది ఖచ్చితంగా ఆమె కెరీర్ లో గుర్తుండిపోయే క్యారక్టర్ అవుతుందని అభిమానులు నమ్ముతున్నారు.

నిజానికి 'మ్యాట్రిక్స్ 4' సినిమాకు సంబంధించి ఆ మధ్య విడుదలైన పోస్టర్స్ లో ప్రియాంక చోప్రా లేకపోవడం ఫ్యాన్స్ ని నిరాశకు గురిచేసింది. అయితే ఆ తర్వాత వార్నర్ బ్రదర్స్ రిలీజ్ చేసిన అఫీషియల్ ట్రైలర్‌ లో మాత్రం ఆమె తళుక్కున మెరిసింది. ఈ క్రమంలో ఇప్పుడు ప్రియాంక తన లుక్ ని సోషల్ మీడియా వేదికగా రివీల్ చేసింది. మరి ఈ సినిమా ప్రియాంకాకు వరల్డ్ వైడ్ గా ఎలాంటి పేరు తెచ్చిపెడుతుందో చూడాలి.

కాగా, 'మ్యాట్రిక్స్' సినిమాల్లో నియో గా కీను రీవ్స్ - ట్రినిటీగా క్యారీ అన్నే మోస్ - నియోబ్‌ గా జాడా పింకెట్ స్మిత్ కనిపించనున్నారు. ఇప్పుడు ''ది మ్యాట్రిక్స్ రిసరెక్షన్స్'' సినిమాలో వీరితో పాటుగా కొత్తగా ప్రియాంక చోప్రా - యాహ్యా అబ్దుల్ మతీన్ 2 - నీల్ పాట్రిక్ హారిస్ - జోనాథన్ గ్రాఫ్ - క్రిస్టినా రిక్సీ - జెస్సికా హెన్విక్ వంటి స్టార్స్ భాగం కనిపించనున్నారు.

లానా వాసోస్కి ఈ చిత్రానికి దర్శకత్వం వహించారు. క్రిస్మస్ సందర్భంగా డిసెంబర్ 22న ప్రపంచవ్యాప్తంగా పలు బాషల్లో 'మ్యాట్రిక్స్ 4' సినిమా విడుదల కానుంది.