కథ నచ్చితేనే కమిట్ అవుతా

రౌడీ స్టార్ విజయ్ దేవరకొండ హీరోగా నటించిన టాక్సీవాలా సినిమాతో టాలీవుడ్ లో అడుగుపెట్టిన తెలుగు బ్యూటీ ప్రియాంక జవాల్కర్ కు మొదటి సినిమాతోనే మంచి గుర్తింపు దక్కింది. కాని ఆ తర్వాత కొన్ని కారణాల వల్ల ఆమె సినిమాలు చేయలేక పోయింది. ఇటీవల స్పీడ్ పెంచిన ఈ అమ్మడు తిమ్మరుసు, ఎస్ఆర్ కళ్యాణ మండపం సినిమాలతో వరుస హిట్స్ అందుకుంది. ఈ రెండు చిత్రాల్లో ప్రియాంక ప్రేక్షకులను బాగా ఆకట్టుకుంది. రెండు వరుస సినిమాల నేపథ్యంలో మీడియాతో ముచ్చటించింది.

మీడియాతో మాట్లాడుతూ.. కొంత గ్యాప్ తరువాత నటించిన తిమ్మరుసు హిట్ అయ్యింది. ఎస్ఆర్ కల్యాణ మండపం సెకండ్ వేవ్ తరువాత ఫస్ట్ కమర్షియల్‌ హిట్ అంటున్నారు. థియేటర్ కి ప్రేక్షకులు వస్తారా రారా అనే ఒక డౌట్ ఉండేది, కానీ ఇప్పుడు థియేటర్స్ కు ఆడియన్స్ విపరీతంగా వస్తున్నారు, చాలా హ్యాపీగా ఉంది. ఆడియన్స్ జాగ్రత్తలు పాటిస్తూనే థియేటర్స్ కి వస్తున్నారు. తిమ్మరుసు విడుదల తరువాత గ్లామర్ పై కొంత కేర్ తీసుకొని వెయిట్ లాస్ అయ్యాను. నేనే వంట చేసుకోవడం ప్రారంభించా. టాక్సీవాలా సినిమా తరువాత సెలెక్టెడ్ గా స్క్రిప్ట్స్ ఎంచుకొని మూవీస్ సైన్ చేస్తున్నాను.

నా సినిమాలకు నా ఫ్రెండ్స్ పెద్ద క్రిటిక్స్. వాళ్ళు నేను ఎక్కడ బాగా చేశాను ఎక్కడ మిస్ అయ్యాను చెబుతుంటారు. డైరెక్టర్ చెప్పినట్లు చెయ్యడమే నా లక్ష్యం, వారి వల్లే నాకు మంచి రోల్స్ వస్తున్నాయి. బయట నా మీద వచ్చే నెగిటీవ్ కామెంట్స్‌ ను లైట్ తీసుకుంటాను, పాజిటివ్ కామెంట్స్‌ ను మాత్రం ఎంజాయ్ చేస్తాను. ఇప్పటి వరకు మంచి సినిమాల్లో అవకాశాలు వచ్చాయి. భవిష్యత్తులో కూడా మరిన్ని మంచి పాత్రల్లో నటించాలని ఉంది. ఎస్ఆర్ కల్యాణ మండపం సినిమాలో సాంగ్స్ కు మంచి రెస్పాన్స్ వచ్చింది. నా డాన్స్ ఇంకా ఇంప్రూవ్ అవ్వాలని డాన్స్ నేర్చుకుంటున్నాను.

తెలుగులో ఇప్పటికే కొన్ని స్క్రిప్ట్స్ విన్నాను త్వరలో ఫైనల్ చేస్తాను. మరో వైపు ఓటిటి ఆఫర్స్ వస్తున్నాయి వాటికి సంబంధించిన స్టోరీస్ కూడా విన్నాను.. కొన్ని ప్రాజెక్ట్స్‌ కోసం ఆడిషన్స్ జరుగుతున్నాయి. ఇలాంటి పాత్రలే చెయ్యాలని లేదు నాకు నచ్చిన పాత్ర ఏదైనా చేస్తాను. సినిమా చేయాలంటే కథ ఖచ్చితంగా నచ్చాలి. కథ నచ్చి పాత్ర నచ్చితేనే సినిమాను చేయాలని అనుకుంటాను. తమిళ్ లో ఒక సినిమా సైన్ చేశాను. ఆ వివరాలు త్వరలో వెల్లడిస్తాను అంటూ చెప్పుకొచ్చింది.