బేవాచ్ ను బతికించిన మన సోయగం

బాలీవుడ్ క్లియోపాత్రగా పేరుగాంచిన ప్రియాంకా చోప్రా నటించిన హాలీవుడ్ మూవీ బేవాచ్ న్యూ యార్క్ లో పారామౌంట్ ఆర్గనైజ్ చేసిన స్క్రీనింగ్ తో.. తొలి రివ్యూలను చవిచూసింది. ఈ సినిమా ఇండియాలో జూన్ లో విడుదలకానుంది. ఈ సినిమా మార్కెటింగ్ ఒక హాలీవుడ్ టాప్ యాక్షన్ ఫిల్మ్ తరహాలో ఉన్న సంగతి తెలిసిందే. అయితే ఈ సినిమా ఎలా ఉందంటారు?

బేవాచ్ మొత్తం బిగ్ - బొంబాస్టిక్ యాక్షన్ తప్పితే మరేది లేదు అని తేటతెల్లం చేశారు రివ్యూయర్లు. ఈ కామిడీ యాక్షన్ మూవీని వెస్టర్న్ క్రిటిక్స్ ఘాటుగానే విమర్శించారు. కానీ సినిమా మొత్తం మీద చెప్పుకోతగ్గది ఒక ప్రియాంకా చోప్రా గ్రేస్, ఆమె నటనే అని కొనియాడరు. ప్రియాంకా బేవాచ్ లో చేసిన విక్టోరియా లీడ్స్ పాత్ర సినిమాను నిలబెట్టింది అని చెబుతున్నారు. గత నెల ఏప్రిల్ లో ప్రియాంకా ప్రమోషన్ కోసం ఇండియాకు వచ్చింది. వచ్చినప్పుడు తన పాత్ర గురించి “ఈ సినిమాలో నా పాత్ర నిజ జీవితానికి కాస్త విరుద్దంగా ఉంటుంది. ఈ సినిమాలో నా పాత్ర ఎప్పుడు షూ వేసుకొనే ఉంటుంది. తనకి ఇసుక అంటే పరమ చిరాకు. ఒక సన్నివేశంలో బీచ్ కు వస్తుంది అప్పుడు అక్కడ తను జీప్ నుండి దిగబోతుంటే ఒకరు వచ్చి స్టూల్ వేస్తారు అంతా వింతగా ఉంటుంది నా పాత్ర అని చెప్పింది”. ఏదేమైనా ప్రియాంక ఒక్కత్తే ఈ సినిమాలో బెటర్ అనడం.. ఆమెకు ప్లస్సే కాని.. సినిమాకు మైనస్.

ఈ సినిమాలో డ్వేన్ జాన్సన్, జాక్ ఎఫ్రాన్ లాంటి స్టార్స్ కూడా ఉన్నారు. అటువంటి స్టార్స్ పక్కన్ అక్కడ అమెరికా తెరలపై ప్రియాంకా చోప్రా స్పెషల్ గా నిలవడం అందరినీ ఆశ్చర్యపరిచింది. ఈ సినిమా ఇండియాలో జూన్ 2 నా విడుదల కాబోతుంది.

Like Us on Facebook : https://www.facebook.com/Tupakidotcom/