క్యూట్ హీరోయిన్ వెంట‌ప‌డుతున్న నిర్మాత వార‌సుడు!

టాలీవుడ్ అగ్ర నిర్మాత దిల్ రాజు కుటుంబం నుంచి ఒక హీరో ఇప్పుడు ప‌రిశ్ర‌మ‌లో ప్ర‌వేశిస్తుండ‌డం హాట్ టాపిక్ గా మారింది. అత‌డి పేరు ఆశిష్‌. దిల్ రాజు సోద‌రుడు శిరీష్ త‌న‌యుడు. యూత్ ఫుల్ ఎంటర్ టైనర్ `రౌడీ బాయ్స్` లో అత‌డు న‌టిస్తున్నాడు. ఇంత‌కుముందు ఫస్ట్ లుక్ విడుద‌లైంది. ఈ పోస్ట‌ర్ లో ఆశిష్ హీరోయిక్ లుక్ ఆక‌ట్టుకుంటోంది. మంచి ఆకర్షణీయమైన రూపంతో ఆక‌ట్టుకున్నాడు. త‌న ఏజ్ కి త‌గ్గ‌ట్టే `రౌడీ బాయ్స్` ఒక అందమైన కాలేజ్ బ్యాక్ డ్రాప్ లవ్ స్టోరీ ని ఎంపిక చేసుకుని అత‌డు బ‌రిలోకి దిగుతున్నాడు.

విద్యార్థుల న‌డుమ వివాదాలు పోరాటాల‌తో ట్రెండీగా సాగే ప్రేమ‌క‌థా చిత్ర‌మిద‌ని తెలుస్తోంది. ఈ సినిమాలో అనుపమ పరమేశ్వరన్ హీరోయిన్ గా నటిస్తోంది. శ్రీ హర్ష కనుగంటి దర్శకత్వం వహిస్తున్నారు. దేవిశ్రీ ప్రసాద్ సంగీతం సమకూరుస్తున్నారు. టాప్ కెమెరామెన్ మాది సినిమాటోగ్రఫీ అందిస్తున్నారు. రౌడీ బాయ్స్ ని దిల్ రాజు- శిరీష్ సంయుక్తంగా నిర్మించారు. అక్టోబర్ లో మూవీని విడుదల చేస్తారు.

ఈ చిత్రానికి దిల్ రాజు స్క్రిప్ట్ సహా అన్ని ప‌నులు చూసుకోవ‌డంతో ఆశిష్ రెడ్డి లాంచింగ్ ఎలాంటి ఢోకా లేద‌ని...స‌క్సెస్ కి ద‌గ్గ‌ర‌గానే ఉన్నాడ‌న్న టాక్ వినిపిస్తోంది. ఇటీవ‌ల విడుద‌లైన ఫ‌స్ట్ లుక్ కి.. తొలి లిరిక‌ల్ సాంగ్ కి శ్రోత‌ల నుంచి మంచి రెస్పాన్స్ కూడా వ‌చ్చింది. తాజాగా ఈ సినిమా టీజ‌ర్ ని సెప్టెంబ‌ర్ 20 రాత్రి 7 గంట‌ల‌కు లాంచ్ చేస్తున్న‌ట్లు వెల్ల‌డించారు. టీజ‌ర్ కి సంబంధించిన పోస్ట‌ర్ లో అశిష్ రెడ్డి...అనుప‌మ ప‌ర‌మేశ్వ‌రన్ ని ఫాలో అవుతున్న‌ట్లు చూపించారు. దీన్ని బ‌ట్టి యూత్ ఫుల్ ల‌వ్ స్టోరీ ఇద‌ని క్లారిటీ వ‌చ్చేసింది. ఇప్ప‌టికే క్రేజీ టైటిల్ తో యూత్ లో మంచి ఫాలోయింగ్ ఏర్ప‌డింది. తాజా పోస్ట‌ర్ తో ఆ అంచ‌నాలు పెరిగాయి. ఈ చిత్రానికి దేవి శ్రీ ప్ర‌సాద్ సంగీతం అందిస్తున్నారు. మ‌ది సినిమాటోగ్ర‌పీ అందిచ‌గా... మ‌ధు ఎడిటింగ్ ప‌నులు చూస్తున్నారు. అశీష్ డెబ్యూ మూవీ కాబ‌ట్టి థియేట‌ర్ రిలీజ్ కే ఛాన్సెస్ ఎక్కువ‌గా ఉన్నాయి.