అల మ్యూజిక‌ల్ కాన్సెర్ట్ ప్రోమో

స్టైలిష్ స్టార్ అల్లు అర్జున్ హీరోగా మాటల మాంత్రికుడు త్రివిక్ర‌మ్ తెర‌కెక్కిస్తున్న చిత్రం `అల వైకుంఠ‌పుర‌ములో`. అల్లు అర‌వింద్‌- ఎస్‌. రాధాకృష్ణ సంయుక్తం గా ఈ చిత్రాన్ని నిర్మిస్తున్నారు. సంక్రాంతి బ‌రిలోకి దిగుతున్న ఈ సినిమా పై ఇప్ప‌టికే భారీ అంచ‌నాలు నెల‌కొన్నాయి. జులాయి- స‌న్నాఫ్ స‌త్య‌మూర్తి చిత్రాల త‌రువాత బన్నీ- త్రివిక్ర‌మ్‌ల క‌ల‌యిక‌లో వ‌స్తున్న హ్యాట్రిక్ చిత్ర‌మిది. త‌మ‌న్ అందించిన గీతాలు సోష‌ల్ మీడియా తో పాటు యూట్యూబ్‌ లో సంచ‌ల‌నం సృష్టిస్తున్న సంగ‌తి తెలిసిందే.

ఈ సినిమా ప్రీరిలీజ్ వేడుక‌ను జ‌న‌వ‌రి 6 సాయంత్రం హైద‌రాబాద్ యూస‌ఫ్ గూడ‌లోని పోలీస్ గ్రౌండ్స్ లో ఘ‌నంగా జ‌ర‌ప‌నున్నారు. ఈ వేడుక‌కు మెగాస్టార్ చిరంజీవి విచ్చేస్తాన‌ని బ‌న్నికి ప్రామిస్ చేశార‌ని ప్ర‌చార‌మైంది. తాజాగా అల వైకుంఠ‌పుర‌ములో మ్యూజిక్ కాన్సెర్ట్ ప్రోమోని చిత్ర‌బృందం రిలీజ్ చేసింది.

ఇప్ప‌టికే అల‌.. సాంగ్స్ లో సామ‌జ‌వ‌ర‌గ‌మ‌న‌... రాములో రాముల పాట‌లు వైర‌ల్ గా దూసుకెళ్లాయి. ఇక మ్యూజిక్ కాన్సెర్ట్ లో ఈ పాట‌ల్ని హైలైట్ గా ఆల‌పించ‌నున్నార‌ని అర్థ‌మ‌వుతోంది. తాజాగా రిలీజ్ చేసిన ప్రోమోలో క్లాసిక‌ల్ సింగ‌ర్స్ ప్రియా సిస్ట‌ర్స్ ఆలాప‌న ఆక‌ట్టుకుంది. కాన్సెర్టులో ప్రియా సిస్ట‌ర్స్ అద‌ర‌గొడ‌తారా? అన్న‌ది చూడాలి. ప్ర‌స్తుతానికి ఎంతో రాగ‌యుక్తంగా ఉన్న ఈ క్లాసికల్ ప్రోమో ఫిలింవ‌ర్గాలు స‌హా బ‌న్ని అభిమానుల్లో హాట్ టాపిక్ గా మారింది.