నీటిలో ప్రపోస్ చేసాడు: ఉడ్బీ గురించి మెహరీన్

యంగ్ హీరోయిన్ మెహరీన్.. కొన్నిరోజులుగా వార్తల్లో నిలుస్తున్న సంగతి తెలిసిందే. 'కృష్ణగాడి వీరప్రేమగాథ' మూవీతో తెలుగు ఇండస్ట్రీకి పరిచయమైన మెహరీన్ ఆ సినిమాలో చబ్బీ లుక్స్ తో లంగావోణీలో అదరగొట్టింది. ఆ సినిమా సూపర్ హిట్ కావడంతో మెహ్రీన్ వెంట వరుస ఆఫర్లు క్యూ కట్టాయి. అలా రెండుమూడేళ్లు బిజీగా మారిన అమ్మడి ఊసు ఈమధ్య అసలే వినిపించడం లేదు. గతేడాది 'ఎంతమంచివాడవురా' అనేది లాస్ట్ మూవీ. దాదాపు ఏడాది గ్యాప్ తర్వాత తెలుగులో ఎఫ్3 సినిమా చేస్తోంది. అయితే ప్రస్తుతం మెహ్రీన్ పెళ్లి వార్తలు సోషల్ మీడియాలో వైరల్ అవుతున్నాయి. హర్యానాకు చెందిన యంగ్ పొలిటికల్ లీడర్ భవ్య బిష్ణోయిని మెహరీన్ పెళ్లి చేసుకోబోతుంది.

త్వరలో రెండు కుటుంబాల సమక్షంలో పెళ్లికి ఏర్పాట్లు మొదలుపెడతారట. ఇటీవలే ఈ జంట మార్చి 13న నిశ్చితార్థం చేసుకున్నారు. అయితే అమ్మడు తన కన్ఫర్మేషన్ పరోక్షంగా తెలిపింది. భవ్య బిష్ణోయ్ పుట్టినరోజు సందర్భంగా మెహరీన్ ఇంస్టాగ్రామ్ వేదికగా తన ప్రేమను తెలిపింది. తాజాగా అసలు ఎలా ప్రొపోజ్ జరిగింది అనే విషయం చెప్పుకొచ్చింది. భవ్య పుట్టినరోజు సమయంలో అండమాన్ కు వెళ్ళాము. అక్కడ స్కూబా డైవింగ్ చేస్తున్నప్పుడు అండర్ వాటర్ లో ఉన్నప్పుడు బిష్ణోయ్ ప్రపోస్ చేసాడట. నీటిలో భవ్య దగ్గరకు వచ్చి తనకు.. "విల్ యూ మ్యారీ మీ..?" అనే ప్రపోసల్ కార్డు చూపించి లవ్ ప్రపోజ్ చేశాడని మెహ్రీన్ తెలిపింది. ఆ ప్రపోసల్ చాలా స్పెషల్ అంటోంది మెహరీన్. ఎంగేజ్మెంట్ వేడుక రాజస్థాన్ లోని జైపూర్ అలీలా కోటలో జరుపుకున్నారు. డెస్టినేషన్ వెడ్డింగ్ చేసుకోబోతున్నట్లు చెప్పింది.