నితిన్ నమ్మకద్రోహం, వినాయక్ కుట్ర

అక్టోబర్ 22న విడుదల కావాల్సిన అఖిల్ మూవీని వాయిదా వేయడంతో.. నాగ్ ఫ్యాన్స్ గుర్రుగా ఉన్నారు. నెల రోజుల ముందే రిలీజ్ డేట్ ఇవ్వడంతో.. అక్కినేని వారసుడి లాంఛింగ్ మూవీకి ఫ్యాన్స్ సిద్ధమయ్యారు. రిలీజ్ ముందు రోజు ఏం చేయాలి, రిలీజ్ రోజున ఎంత హంగామా చేయాలి.. థియేటర్లలో ఎంత సందడి ఉండాలి, రోడ్లపై ఎలా హడావిడి చేయాలి లాంటి ప్లాన్స్ చాలానే ప్రిపేర్ చేసుకున్నారు అక్కినేని ఫ్యాన్స్. అయితే వీళ్ల ఆశనలన్నిటినీ నితిన్ ఒక్క ట్వీట్ తో ఆవిరి చేసేశాడు.

సినిమా సూపర్బ్ గా వచ్చిందని, దసరా రోజున రిలీజ్ కన్ఫాం అని.. ఒకటికి పది సార్లు చెప్పడంతో.. బాగానే నమ్మకాలు పెట్టుకున్నారు. అయితే.. వీటిని అఖిల్ యూనిట్ అందుకోలేకపోయింది. గ్రాఫిక్ వర్క్ కారణం చెప్పి రేస్ నుంచి తప్పుకుంది. దీంతో నాగ్ ఫ్యాన్స్ రోడ్లపై కొచ్చి ప్రదర్శనలు చేసేస్థాయికి నిరసనలు పెరిగిపోయాయి. నమ్మక ద్రోహి నితిన్ - కుట్రదారుడు వివి వినాయక్.. అంటూ నెల్లూరు జిల్లా నాగ్ అండ్ అఖిల్ ఫ్యాన్స్ చేసిన ర్యాలీకి మంచి రెస్పాన్స్ వచ్చింది. మరోవైపు.. ఐదు నెలల క్రితం మొదలుపెట్టిన రామ్ చరణ్ బ్రూస్ లీ అనుకున్న డేట్ కల్లా రిలీజ్ కావడంతో.. నితిన్ పై మంట ఇంకా ఎక్కువైంది ఫ్యాన్స్. ఐదు నెలల్లో చెర్రీ మూవీ వస్తే... దానికి చాలా ముందే మొదలైన అఖిల్ కంప్లీట్ కాకపోవడం ఏంటని క్వశ్చన్ చేస్తున్నారు అక్కినేని ఫ్యాన్స్.

నితిన్ అయినా.. ఓ ఫ్యాన్ మీట్ నో - ప్రెస్ మీట్ నో ఏర్పాటు చేసి.. వాయిదా విషయాన్ని ప్రకటించి.. కాస్త ఒఫ్పించే ప్రయత్నం చేస్తే బాగుండేది. కానీ.. ఒక్క ట్వీట్ తో రిలీజ్ లేదని తేల్చేస్తే.. అభిమానుల నుంచి ఇలాంటి రియాక్షన్సే వస్తాయి.