'సలార్' అన్ని రికార్డులను బద్దలు కొడుతుంది: పృథ్వీరాజ్

డార్లింగ్ ఫ్యాన్స్ ఎంతో ఆసక్తిగా ఎదురు చూస్తున్న చిత్రం “సలార్”. యంగ్ రెబల్ స్టార్ ప్రభాస్ కథానాయకుడిగా సెన్సేషనల్ డైరెక్టర్ ప్రశాంత్ నీల్ ఈ భారీ మాస్ యాక్షన్ థ్రిల్లర్ ని తెరకెక్కిస్తున్నారు. ఇప్పటికే విడుదలైన ఫస్ట్ లుక్ పోస్టర్ లో మోస్ట్ వైలెంట్ మ్యాన్ గా ప్రభాస్ విపరీతంగా ఆకట్టుకున్నాడు.

ఇందులో ప్రభాస్ సరసన శృతి హాసన్ హీరోయిన్ గా నటిస్తోంది. విలక్షణ నటుడు జగపతి బాబు విలన్ గా నటిస్తుండగా.. మళయాళ స్టార్ స్టార్ పృథ్వీరాజ్ సుకుమారన్ కీలక పాత్ర పోషిస్తున్నారు. ఇప్పటికే వరదరాజు మన్నార్ గా పృథ్వీరాజ్ లుక్ ని మేకర్స్ ఆవిష్కరించారు.

'సలార్' సినిమాపై పృథ్వీరాజ్ సుకుమారన్ తాజాగా సోషల్ మీడియా వేదికగా ఆసక్తికర వ్యాఖ్యలు చేసారు. దర్శకుడు ప్రశాంత్ నీల్ తెరకెక్కిస్తున్న ఈ చిత్రం అన్ని రికార్డులను బద్దలు కొడుతుందని పేర్కొంటూ హైప్ ఎక్కించారు. ఈ మేరకు ఇంస్టాగ్రామ్ లో పెట్టిన పోస్ట్ ఇప్పుడు వైరల్ గా మారింది.

'సలార్' సెట్స్‌ లో పని చేస్తున్న భారతదేశంలోని మోస్ట్ క్రియేటివ్ మైండ్స్ లో ఒకరిని చూడగలిగే అవకాశం నాకు లభించింది! ప్రశాంత్ నీల్ సార్.. మీరు మీ స్వంత లీగ్‌ లో ఉన్నారు. మీరు తీస్తున్న సినిమా అన్ని రికార్డులను బద్దలు కొట్టేట్లు కనిపిస్తోంది! మీ సెట్‌లను సందర్శించడం.. మీ ఎలిమెంట్ లో మిమ్మల్ని చూడటం.. మీ విజన్ ని స్క్రీన్‌ పైకి అనువదించడం ఎంతో ఆనందంగా ఉంది! అని పృథ్వీరాజ్ పేర్కొన్నారు.

ఇటీవల పృథ్వీరాజ్ ఓ ఇంటర్వ్యూలో మాట్లాడుతూ.. 'బాహుబ‌లి' త‌ర్వాత మాస్ యాక్ష‌న్ - క‌మ‌ర్షియ‌ల్ జాన‌ర్‌ కు ప్రభాస్ కొంచెం దూర‌మ‌య్యాడ‌ని.. ఇప్పుడు 'స‌లార్' అనేది కంప్లీట్ యాక్ష‌న్ మాస్ ఎంట‌ర్టైన‌ర్ అని స్ప‌ష్టం చేశాడు. ప్ర‌భాస్‌ ను అభిమానులు ఎలా చూడాల‌నుకుంటారో ఈ సినిమాలో అలా క‌నిపిస్తాడ‌ని.. ఇందులో ఎలివేష‌న్ల‌కు లోటు ఉండ‌ద‌ని హింట్ ఇచ్చాడు.

హై వోల్టేజ్ యాక్షన్ సీన్స్ మరియు ఎలివేషన్స్ చూపించడంలో ప్రశాంత్ నీల్ స్పెషలిస్ట్ అనిపించుకున్నాడు. ఆ అంశాలతో తెరకెక్కించిన 'కేజీఎఫ్' 'కేజీఎఫ్ 2' చిత్రాలు బాక్సాఫీస్ వద్ద ఎలాంటి బ్లాక్ బస్టర్స్ అందుకున్నాయో ప్రత్యేకంగా చెప్పాల్సిన అవసరం లేదు. అలాంటి దర్శకుడు ఇప్పుడు 'బాహుబలి' తో పాన్ ఇండియా స్టార్ గా అవతరించిన ప్రభాస్ తో ''సలార్'' సినిమా తెరకెక్కిస్తుండటంతో అంచనాలు తారాస్థాయికి చేరుకున్నాయి.

'సలార్' చిత్రాన్ని హోంబలే ఫిల్మ్స్‌ బ్యానర్ పై విజయ్ కిరగండూర్ భారీ బడ్జెట్ తో నిర్మిస్తున్నారు. రవి బస్రూర్ సంగీతం సమకూరుస్తుండగా.. భువన్ గౌడ సినిమాటోగ్రఫీ నిర్వహిస్తున్నారు. ఉజ్వల్ కులకర్ణి ఎడిటింగ్ వర్క్ చేస్తున్నారు. ఈ సినిమాలో ఈశ్వరీ రావు - శ్రియా రెడ్డి కీలక పాత్రలు పోషిస్తున్నట్లు తెలుస్తోంది.

2023 సెప్టెంబర్ 28న ఈ సినిమా ప్రపంచ వ్యాప్తంగా థియేటర్లలోకి రాబోతోందని మేకర్స్ ఇప్పటికే ప్రకటించారు. తెలుగుతో పాటు కన్నడ, తమిళం, మలయాళం, హిందీ సహా పలు భాషల్లో విడుదల చేయనున్నారు.

అయితే 'సలార్' సినిమాని 'కేజీఎఫ్' తరహాలోనే రెండు భాగాలుగా రూపొందించే అవకాశం ఉందని చాలా రోజులుగా ప్రచారం జరుగుతోంది. మేకర్స్ రాబోయే రోజుల్లో దీనిపై క్లారిటీ ఇస్తారేమో చూడాలి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.