అనవసరంగా ఎమోషన్ అయ్యాడట..

ఖైదీ నంబర్ 150 రిలీజ్ కి ఇంకా ఒక్క రోజే గ్యాప్ ఉండడంతో మెగా ఫ్యాన్స్ ఉత్సాహం మామూలుగా లేదు. అయితే.. రిలీజ్ కి కొన్ని రోజుల ముందు ఖైదీ విషయంలో ఓ చిన్నపాటి వివాదాన్ని రగిలించాడు కమెడియన్ పృథ్వీ. ఈ మూవీలోంచి తన పాత్రను తొలగించడంతో తెగ బాధపడ్డానంటూ కామెంట్స్ చేశాడు.

ఏకంగా పండుగ రోజున అమ్మ చనిపోయినంత బాధ కలిగిందని పృథ్వీ చేసిన కామెంట్ చాలామందిని కదిలించింది. అయితే.. అసలు ఖైదీ మూవీలోంచి పృథ్వీ పాత్రను తీసేయడం అనే మాటే తలెత్తలేదని తెలుస్తోంది. పాత్ర చిన్నదే అయినా.. చేసిన కొన్ని సీన్స్ ను కూడా యథాతథంగా ఉంచేశారని అంటున్నారు. రఫ్ కట్స్ లో భాగంగా కొన్ని వెర్షన్స్ ను పరిశీలిస్తున్నపుడు.. ఈయనకు అందిన తప్పుడు సమాచారం.. కమెడియన్ ని ఇంతగా కదిలించేసిందట. కానీ ఖైదీ నెంబర్ 150లో పృథ్వీ పాత్ర యథాతథంగా ఉంటుందని.. బ్రహ్మానందం కోసం పృథ్వీ పాత్రను తీసేశారనే వార్తల్లో నిజం లేదని తెలుస్తోంది.

ఓ అపార్ధం కారణంగా అనవసరంగా ఓ కాంట్రవర్సీ క్రియేట్ చేసినట్లు అయింది పరిస్థితి. ఇదిలా ఉంటే.. 'మెగాస్టార్ పక్కన నుంచోవడం అదృష్టం.. అయనతో ఫోటో దిగడం ఇంకా అదృష్టం.. ఆయన 150వ మూవీలో నటించడం నేను చేసుకున్న పుణ్యం' అంటూ పృథ్వీ కామెంట్స్ చేసిన సంగతి తెలిసిందే. ఆన్ స్క్రీన్ పై చిరుతో కలిసి కనిపించడాన్ని పృథ్వీ ఎలా ఎంజాయ్ చేస్తాడో చూడాలి.


Like Us on Facebook : https://www.facebook.com/Tupakidotcom/