టైటిల్ సంగతి దసరాకి చెబ్తారట

పవన్ కళ్యాణ్ నటిస్తున్న కొత్త సినిమా సంగతులు.. ఆయన పుట్టిన రోజున తెలిసిపోతాయని అంతా భావించారు. ముఖ్యంగా సినిమా టైటిల్ అయినా అనౌన్స్ అవుతుందని ఫ్యాన్స్ ఎక్స్ పెక్ట్ చేశారు. అయితే.. పవన్ బర్త్ డే రోజు కాన్సెప్ట్ పోస్టర్.. ఓ మ్యూజిక్ టీజర్ ఇచ్చినా.. అందులో రిలీజ్ డేట్ మాత్రమే ఇచ్చారు. సినిమా టైటిల్ కూడా చెప్పలేదు.. కనీసం లీక్ కూడా ఇవ్వలేదు.

అయితే.. పవన్-త్రివిక్రమ్ కాంబినేషన్ లో వస్తున్న ఈ మూవీ పోస్టర్ ను నిశితంగా పరిశీలించేసి.. అజ్ఞాతంలోకి వెళుతున్నట్లుగా ఉన్న పోస్టర్ కావడంతో.. పీకే25కు టైటిల్ అజ్ఞాతవాసి అంటూ రూమర్ బయల్దేరింది. ఇందులో నిజానిజాలు ఎంతో తెలీదు కానీ.. ఇప్పుడు పవన్ మూవీ గురించి అఫీషియల్ డీటైల్స్ దసరాకు చెప్పబోతున్నారని తెలుస్తోంది. అంతే కాదు.. ఈసారి పవన్ మూవీకి ఓ ట్యాగ్ లైన్ కూడా ఉంటుందట. మూవీ పేరుకు ఓ క్యాచీ ట్యాగ్ లైన్ కూడా తగిలించారని.. ఇప్పటికే ఇది ఫిక్స్ అయిపోగా.. దీనికి సంబంధించిన డీటైల్స్ దసరా రోజున అనౌన్స్ చేస్తారని తెలుస్తోంది.

ఇక హైద్రాబాద్ లోని స్టూడియోలలో నిర్మించిన భారీ సెట్స్ లో ఈ మూవీ షూటింగ్ జరుగుతోంది. కీర్తి సురేష్ తో కలిపి కీలక సన్నివేశాలను చిత్రీకరిస్తుండగా.. త్వరలో టీం అంతా కలిసి బ్యాంకాక్ కు బయల్దేరనున్నారు. ఆ తర్వాత యూరోప్ లో ఓ సుదీర్ఘమైన షెడ్యూల్ ప్లాన్ చేశాడట దర్శకుడు త్రివిక్రమ్.