పవన్ బర్త్ డే స్పెషల్ గా #PSPK28 ప్రీ-లుక్ పోస్టర్..?

పవర్ స్టార్ పవన్‌ కల్యాణ్‌ - డైరెక్టర్ హరీష్ శంకర్‌ కాంబినేషన్ లో ఓ సినిమా తెరకెక్కనున్న సంగతి తెలిసిందే. మైత్రీ మూవీ మేకర్స్ బ్యానర్ పై నవీన్ ఎర్నేని - వై. రవిశంకర్ ఈ చిత్రాన్ని నిర్మించనున్నారు. గతేడాది '#PSPK28' వర్కింగ్‌ టైటిల్‌ తో ఈ చిత్రానికి సంబంధించిన అధికారిక ప్రకటన ఇచ్చారు. కాన్సెప్ట్ పోస్టర్‌ తోనే ఈసారి ఎంటర్టైన్మెంట్ మాత్రమే కాదంటూ సినిమాపై అంచనాలు పెంచేశారు. ఈ మూవీ అప్డేట్ కోసం పవన్ అభిమానులు ఆసక్తిగా ఎదురుచూస్తున్నారు.

రేపు పవన్ కళ్యాణ్ పుట్టినరోజు సందర్భంగా హరీష్ శంకర్ తో చేస్తున్న సినిమా అప్డేట్ వస్తుందని ఫ్యాన్స్ భావిస్తున్నారు. ఉగాదికే ఫస్ట్‌ లుక్‌ - టైటిల్‌ ను విడుదల చేయాలనుకున్నామని.. కానీ కరోనా కారణంగా వాయిదా వేసుకున్నామని ఆ మధ్య మేకర్స్ తెలిపారు. ఇప్పుడు పవన్ బర్త్ డే కి అప్డేట్ పక్కా ఉంటుందని అందరూ ఫిక్స్ అయ్యారు. అయితే ఇంతవరకు మైత్రీ టీమ్ నుంచి కానీ డైరెక్టర్ నుంచి గానీ దీనిపై అధికారిక ప్రకటన రాలేదు. దీంతో సోషల్ మీడియాలో పీకే ఫ్యాన్స్ పెద్ద ఎత్తున మేకర్స్ ని రిక్వెస్ట్ చేస్తున్నారు.

ఈ నేపథ్యంలో #PSPK28 హ్యాష్ ట్యాగ్ ట్విట్టర్ లో నేషనల్ వైడ్ ట్రెండ్ అవుతోంది. అయితే ప్రస్తుతం ప్రచారం జరుగుతున్న దాన్ని బట్టి పవన్-హరీష్ సినిమా ప్రీ లుక్ ని రేపు విడుదల చేస్తారని తెలుస్తోంది. కాకపోతే టైటిల్ ను మాత్రం ఇప్పుడు అనౌన్స్ చేయడం లేదు. ఏదేమైనా ఫ్యాన్ మేడ్ పోస్టర్ తోనే సంచలనం సృష్టించిన అభిమానులు.. ప్రీ లుక్ ని ఏ రేంజ్ లో వైరల్ చేస్తారో ఊహించుకోవచ్చు. కాగా, 'గబ్బర్ సింగ్' తర్వాత పవన్ కళ్యాణ్ - హరీశ్ శంకర్ కాంబోలో రానున్న ఈ చిత్రంపై భారీ అంచనాలు నెలకొన్నాయి.

రాక్ స్టార్ దేవిశ్రీ ప్రసాద్ ఈ చిత్రానికి సంగీతం సమకూరుస్తున్నారు. అయానంక బోస్ సినిమాటోగ్రఫీ అందిస్తుండగా.. రామ్-లక్ష్మణ్ యాక్షన్ కొరియోగ్రఫీ చేయనున్నారు. ప్రస్తుతం ప్రీ-ప్రొడక్షన్ పనులు జరుపుకుంటున్న ఈ చిత్రాన్ని త్వరలోనే సెట్స్ పైకి తీసుకెళ్లనున్నారు.