ట్రైలర్ టాక్: ప్రాణాలతో జూదం

కంప్లీట్ యాక్టర్ మోహన్ లాల్ తమిళ్ హీరో విశాల్ మన తెలుగు శ్రీకాంత్ ముగ్గురు కలిసి నటించిన ఓ మల్టీ స్టారర్ పులి జూదం పేరుతో తెలుగులో రానుంది. అయితే ఇది మరీ కొత్త మూవీ కాదు. 2017 అక్టోబర్ లో విలన్ పేరుతో మలయాళం తమిళ్ లో ఇంతకు ముందే విడుదలైంది. తెలుగులో కొంత ఆలస్యంగా ఏడాదిన్నర తర్వాత తీసుకొస్తున్నారు. ఈ సందర్భంగా ట్రైలర్ విడుదల చేశారు.

విషయానికి వస్తే ఒక మాజీ పోలీస్ ఆఫీసర్(మోహన్ లాల్)ప్రతీకార ఉద్దేశంతో ఎవరి కోసమో వెతుకుతూ ఉంటాడు. అతనికి ఇలాంటి లక్ష్యంతోనే సాగుతున్న ఓ డాక్టర్(విశాల్)తో పరిచయమవుతుంది. మధ్యలో మాఫియా డాన్(శ్రీకాంత్)ఎంటరవుతాడు. అంతు చిక్కని మలుపులతో ఒకరికి తెలియకుండా మరొకరికి మైండ్ గేమ్ మొదలవుతుంది. బయటికి కనిపించని అజ్ఞాత శత్రువు వీళ్ళ జీవితాలతో ఆడుకుంటూ ఉంటాడు. అదేంటనేదే ఫులి జూదం

ట్రైలర్ ని ఆసక్తికరంగా కట్ చేశారు. ఈ ముగ్గురు యాక్టర్స్ తో పాటు మనవాళ్లకు బాగా పరిచయమున్న రాశి ఖన్నా హన్సిక హీరోయిన్లుగా నటించడం గ్లామర్ పరంగా హెల్ప్ అవుతోంది. ఉన్నికృష్ణన్ దర్శకత్వం వహించిన పులి జూదంకు సంగీతం అందించింది 4 మ్యూజిక్స్. ఈ నెల 21న విడుదల కానున్న పులి జూదం మీద కాస్త హైప్ వచ్చేలా దీన్ని సెట్ చేయడం విశేషం. మోహన్ లాల్ తో పాటు విశాల్ శ్రీకాంత్ పాత్రలు ఆసక్తి కలిగించేలా ఉన్నాయి. ఆల్రెడీ ఒరిజినల్ వెర్షన్ చూసిన ప్రేక్షకులకు ఇందులో ఎగ్జైట్ అయ్యే అంశాలు ఉండవు కానీ మొదటిసారి చూసే ఆడియన్స్ కు మాత్రం పులి జూదం ఒక లుక్ వేయమని చెప్పేలాగే ఉంది