నారీ నారీ న‌డుమ పూరీ

పూరీనా మ‌జాకానా? పూరి ఇస్మార్ట్.. వెరీ స్మార్ట్ గ‌య్! 1000 సీసీ బుల్లెట్టు లాంటోడు. ఇస్మార్ట్ మ‌సాలా శంక‌ర్ లాంటోడు!! మ‌న‌సున్నోడు.. ప్ర‌తిభ ఉన్నోడు.. అన్నిట్లో త‌ల‌పండిన‌వాడు పూరి!! అందుకే మాస్ ఆడియెన్ ని మెప్పించే మ‌సాలా సినిమాలు తీయ‌డంలో అత‌డు త‌న‌కు తానే సాటి అని నిరూపించారు. మూడు ద‌శాబ్ధాల కెరీర్ లో పూరి అందుకోని ఎత్తు లేదు. ఇన్నేళ్ల త‌ర్వాత ఏవో నాలుగైదు ఫ్లాపులొచ్చాయని రేసులో వెన‌క‌బ‌డిపోయాడ‌నుకుంటే పొర‌పాటే. పూరిలో ఫైర్ ఇంకా స‌జీవంగానే ఉంది. అది ఇంకా అగ్గిలా లోలోన రాజుకుంటూనే ఉంది. ఎట్టి ప‌రిస్థితిలో అది బాక్సాఫీస్ ప్ర‌కంప‌నాల‌కు తావిచ్చి తీరుతుంది. ఈసారి బంప‌ర్ హిట్లు కొట్టి తానేంటో ఇండ‌స్ట్రీకి చూపించాల‌న్న క‌సితో పూరి ర‌గిలిపోతున్నాడు. అందుకే ఒకేసారి రెండు సినిమాలు ప్రారంభించాడు. ఒక‌టి ఇస్మార్ట్ శంక‌ర్. ఇంకోటి రొమాంటిక్. ఫ్లాపుల్లో ఉన్నా ఎన‌ర్జిటిక్ హీరో రామ్ తో క‌లిసి `ఇస్మార్ట్ శంక‌ర్` లాంటి ప్ర‌యోగం చేస్తున్నాడు. అలాగే త‌న‌యుడికి తొలి విజ‌యం అందించ‌లేక‌పోయానన్న ప‌ట్టుద‌ల క‌సితో ఇప్పుడు రెండో సినిమా `రొమాంటిక్` ని ప‌క‌డ్భందీ వ్యూహంతో తెర‌కెక్కిస్తున్నాడు.

ఈ రెండు సినిమాల‌కు ఛార్మి స‌హ‌నిర్మాత‌. మెహ‌బూబా త‌ర్వాత పూరి - ఛార్మి బృందం బృహ‌త్త‌ర ప్ర‌య‌త్న‌మే చేస్తోంది. ఒకేసారి రెండు సినిమాల్ని ప్రారంభించి ఆ సినిమాల‌తో విజ‌యాలు అందుకుని ప్రాభ‌వం చాటుకునేందుకు ఎత్తుగ‌డ‌లు వేస్తున్నారు. శ‌ర‌వేగంగా చిత్రీక‌ర‌ణ‌లు పూర్త‌వుతున్నాయి. ప‌నిలో ప‌నిగా ఈ సినిమాల‌కు సోష‌ల్ మీడియా ద్వారానే బోలెడంత ప్ర‌చారం తెచ్చేస్తున్నారు ఇద్ద‌రూ. గ‌త కొంత‌కాలంగా ఛార్మి కౌర్ త‌న ఇన్ స్టాగ్ర‌మ్ లో ఆన్ లొకేష‌న్ స్టిల్స్ పోస్ట్ చేస్తూ షూటింగ్ అప్ డేట్స్ అప్ టు డేట్ చెబుతున్నారు. గోవా షెడ్యూల్ పూర్త‌యిన సంద‌ర్భంగా అక్క‌డ రొమాంటిక్ మూడ్ ని ఎలివేట్ చేసేలా తాజాగా మ‌రో ఫోటోని షేర్ చేశారు.

ఈ ఫోటోలో నారి నారి న‌డుమ పూరి ఇస్మార్ట్ గా క‌నిపిస్తున్నాడు. ఓవైపు అందాల ఛార్మి, మ‌రోవైపు ఇస్మార్ట్ శంక‌ర్ క‌థానాయిక నిధి అగ‌ర్వాల్ .. ఆ ఇద్ద‌రితో క‌లిసి పూరి దిగిన ఫోటో ఫ్యాన్స్ లోకి వైర‌ల్ గా దూసుకుపోతోంది. సెట్ లో స‌ర‌దాగా క‌లిసిపోయే పూరి అంటే అంద‌రికీ ఎంతో ఇష్టం. టాలీవుడ్ లోనే కూలెస్ట్ డైరెక్ట‌ర్ గా అత‌డికి పేరుంది. ఎవ‌రిపైనా చిరాకులు ప‌రాకులు ప్ర‌ద‌ర్శించే మ‌న‌స్త‌త్వం పూరికి లేద‌ని స‌న్నిహితులు చెబుతారు. అందుకే టీమ్ ఎంతో జోవియ‌ల్ గా త‌మ ప‌ని తాము చేసుకుని పోతున్నారు. గోపిక‌ల మ‌ధ్య గోవిందుడిలా క‌నిపిస్తున్న‌ పూరి ఎంత ఇస్మార్టో ఇంత‌కన్నా చెప్పాల్సిన ప‌నేలేదు! ఇస్మార్ట్ శంక‌ర్, రొమాంటిక్ చిత్రాలు శ‌ర‌వేగంగా చిత్రీక‌ర‌ణ‌లు పూర్తి చేసుకుంటున్నాయి. ఈ స‌మ్మ‌ర్ లో రిలీజ్ ల‌కు ప్లాన్ చేస్తున్నారని స‌మాచారం.