స్టార్ డైరెక్ట‌ర్ ఫ్యాన్స్ దిల్ మాంగే మోర్ అంటున్నారా?

స్టార్ డైరెక్ట‌ర్స్ చాలా మంది త‌మిళంలో న‌టులుగా మారి రాణిస్తున్న విష‌యం తెలిసిందే. కె. భాగ్య‌రాజా హీరోగా, ద‌ర్శ‌కుడిగా రెండు ర‌కాలుగా త‌న‌దైన ముద్ర వేశారు. ఇప్ప‌డు క్యారెక్ట‌ర్ ఆర్టిస్ట్ గా వ‌రుస సినిమాలు చేస్తున్నారు. ఆయ‌న త‌ర‌హాలోనే కొంత మంది ద‌ర్శ‌కులు కూడా కీల‌క పాత్ర‌లు చేస్తూ క్యారెక్ట‌ర్ ఆర్టిస్ట్ లుగా, విల‌న్ లుగా రాణిస్తున్నారు. కె. బాగ్య‌రాజా, స‌ముద్ర‌ఖ‌ని, గౌత‌మ్ మీన‌న్‌ వంటి ద‌ర్శ‌కులు న‌టులుగా రాణిస్తూనే అప్పుడ‌ప్పుడు డైరెక్ష‌న్ చేస్తూ వ‌స్తున్నారు.

వీళ్ల త‌రహాలోనే టాలీవుడ్ స్టార్ డైరెక్ట‌ర్ కొత్త‌దారి ప‌ట్టేస్తున్నాడా? అంటే అవునే స‌మాధానం వినిపిస్తోంది. వివ‌రాల్లోకి వెళితే.. స్టార్ డైరెక్ట‌ర్ పూరి జ‌గ‌న్నాథ్ కొన్నేళ్ల క్రితం గౌత‌మ్ మీన‌న్ రూపొందించిన `ఏమాయ చేశావే` సినిమాతో అతిథి పాత్ర‌లో న‌టించాడు. నాగ‌చైత‌న్య అసిస్టెంట్ డైరెక్ట‌ర్ గా న‌టిస్తే త‌న‌కి డైరెక్ట‌ర్ గా పూరి క‌నిపించ‌డం తెలిసిందే. ఆ త‌రువాత పోడ్ కాస్ట్ ఆడియో `పూరి మ్యూజింగ్స్ `తో యూట్యూబ్ లో పూరి వైర‌ల్ గా మారిన విష‌యం తెలిసిందే.

చాలా గ్యాప్ త‌రువాత పూరి .. మెగాస్టార్ న‌టించిన `గాడ్ ఫాద‌ర్‌`లోని అతిథి పాత్ర‌లో జ‌ర్న‌లిస్ట్ గా నటించిన విష‌యం తెలిసిందే. ద‌స‌రా బ‌రిలో భారీ స్థాయిలో రిలీజ్ అయిన ఈ మూవీ సూప‌ర్ హిట్ టాక్ ని తెచ్చుకోగా పూరి చేసిన క్యారెక్ట‌ర్ కూడా బంప‌ర్ హిట్ అనిపించుకుంది. ఈ మూవీలో జ‌ర్న‌లిస్ట్ గోవ‌ర్థ‌న్ గా న‌టించ‌డానికి ముందు మొహ‌మాట‌ప‌డిన పూరి త‌రువాత ఆ పాత్ర‌లో న‌టించి ఆక‌ట్టుకున్నాడు. ఈ క్యారెక్ట‌ర్ గురించి మెగాస్టార్ ప్ర‌మోష‌న్స్ లో ప్ర‌త్యేకంగా వెల్ల‌డించిన విష‌యం తెలిసిందే.

ఈ మూవీతో పాటు త్వ‌ర‌లో రిలీజ్ కి రెడీ అవుతున్న `ఓరి దేవుడా` సినిమాలోనూ అతిథి పాత్ర‌లో క‌నిపిస్తూ షాకివ్వ‌బోతున్నాడు పూరి. విశ్వ‌క్ సేన్ హీరోగా న‌టిస్తున్న ఈ మూవీలో విక్ట‌రీ వెంక‌టేష్ దేవుడిగా కీల‌క పాత్ర‌లో న‌టిస్తున్న విష‌యం తెలిసిందే. ఈ మూవీలో విశ్వ‌క్ సేన్ ద‌ర్శ‌కుడు కావాల‌ని ఆశ‌పడే యువ‌కుడిగా క‌నిపించ‌బోతున్నాడు. రీసెంట్ గా `ఓరి దేవుడా` ట్రైల‌ర్ చూసి.. అందులో పూరిని చూసిన ఆయ‌న ఫ్యాన్స్ అంతా `దిల్ మాంగే మోర్` అంటున్నార‌ట‌.

మ‌రి ఫ్యాన్స్ కోరిక మేర‌కు పూరి జ‌గ‌న్నాథ్ ఫుల్ లెంగ్త్ క్యారెక్ట‌ర్ తో ప్రేక్ష‌కుల ముందుకొస్తాడా?.. లేదా? అన్న‌ది తెలియాలంటే పూరి న‌టుడిగా మరో సినిమా అంగీక‌రించే వ‌ర‌కు వేచి చూడాల్సిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.