జ‌వేరిపై మ‌న‌సెలా వెళ్లింది పూరీ?!

అంజ‌ల జవేరి అంటే గుర్తు ప‌డ‌తారు కానీ... పూజ జ‌వేరి అంటే మాత్రం ఎవ‌రు గుర్తు ప‌డ‌తారు? `వెంట‌నే ఆమె ఎవ‌రు?` అని అడిగేస్తారు తెలుగు ప్రేక్ష‌కులు. పూజ గురించి తెలిసిన‌వాళ్లు చాలా త‌క్కువ‌మంది మ‌రి. ఆమ‌ధ్య వ‌చ్చిన భ‌మ్ భోలేనాథ్ అనే సినిమాలో న‌వ‌దీప్‌ తో క‌లిసి ఆడిపాడింది. ఆ సినిమానే జ‌నాల‌కు గుర్తు లేదు, ఇక అందులో న‌టించిన పూజ‌లాంటి కొత్త‌మ్మాయిని ఎవ‌రు గుర్తు పెట్టుకుంటారు చెప్పండి! నిజ‌మే కానీ... ద‌ర్శ‌కుడు పూరి జ‌గ‌న్నాథ్ మాత్రం పూజ‌ని బాగానే గుర్తు పెట్టుకొన్న‌ట్టున్నాడు. ఇటీవ‌ల ఆమెకి పిలిచి మ‌రీ అవ‌కాశ‌మిచ్చాడు మ‌రి!

టాలీవుడ్‌ లోనూ, అటు శాండిల్‌ వుడ్‌ లోనూ పూజా జవేరిని చూసి చాలామంది క‌థానాయిక‌లు కుళ్లుకుంటున్నారు. అందుకు కార‌ణం పూరి సినిమాలో చాన్స్ కొట్ట‌డ‌మే. ఇషాన్ అనే ఓ కొత్త క‌థానాయ‌కుడిని ప‌రిచ‌యం చేస్తూ పూరి జగ‌న్నాథ్ క‌న్న‌డ - తెలుగు భాష‌ల్లో ఓ సినిమాని తీస్తున్నాడు. అందులో హీరోయిన్లుగా ప‌లువురు అంద‌గ‌త్తెల్ని ప‌రిశీలించాడు పూరి. అమైరా ద‌స్తూర్ అనీ, ఆయేషా శ‌ర్మ అనీ ఇలా చాలా మంది అమ్మాయిల్ని ప‌రిశీలించాడు. కానీ చివ‌రికి ఆ అవ‌కాశం పూజా జ‌వేరికి ద‌క్కింది. ఎలా కొట్టిందో తెలియ‌దు కానీ... పూజ మాత్రం గోల్డెన్ ఛాన్సే కొట్టింది. మోడ‌ల్‌ గా పేరు తెచ్చుకొన్న పూజ భ‌మ్ భోలేనాథ్‌ లో యాక్ట్ చేసింది. ఆ సినిమాతో కూడా పెద్ద‌గా పేరొచ్చింది లేదు. కానీ అనూహ్యంగా పూరి దృష్టిలో ప‌డిపోయింది. ఇప్పుడామెని చూసి న‌క్క తోక తొక్కిందంటూ మాట్లాడుకుంటున్నారు సినీజ‌నాలు.