హమ్మ.. పూరీ పూర్తి చేశాడమ్మా!!

పూరీ జగన్నాథ్ కు ఓ సినిమా తీయడానికి మహా అయితే ఎంత టైం పడుతుంది? ఇదేమన్నా టఫ్ క్వశ్చనా ఏంటీ.. ఎన్టీఆర్ లాంటి హీరోతోనే మూడు నెలలో ముగించేశాడని తెలుసుగా అంటారా.. మరి తన కొడుకుతోనే మూవీ తీసేటపుడు ఇంకా ఫాస్ట్ గా తీసేస్తాడని ఎక్స్ పెక్ట్ చేయడంలో తప్పులేదు.

కానీ వరుస ఫ్లాపుల దెబ్బ కారణంగా అనుకుంటా.. మెహబూబా విషయంలో పూరీ జగన్నాధ్ కాస్త ఎక్కువ సమయాన్నే తీసుకున్నాడు. చుట్టేస్తున్నాడనే విమర్శలు రాకుండా కాసింత అలర్ట్ బాగానే తీసుకున్నాడు. రీసెంట్ గా రిలీజ్ చేసిన టీజర్ కు కూడా మంచి స్పందనే వచ్చింది. ఇండో-పాక్ బోర్డర్ లో యుద్ధ సయమంలో లవ్ స్టోరీని పూరీ పిక్చరైజ్ చేసిన తీరు.. గ్రాఫిక్ ఎలిమెంట్స్ బాగానే ఉన్నాయి. ఆకాష్ పూరీ హీరోగా నటిస్తున్న ఈ చిత్రానికి గుమ్మడికాయ కొట్టేశామంటూ.. ఊపిరి పీల్చుకుంటోంది ఛార్మి కౌర్. ఈ చిత్రానికి ప్రొడక్షన్ వ్యవహారాలను ఛార్మి మెయింటెయిన్ చేసిన సంగతి తెలిసిందే. అందుకే షూటింగ్ కంప్లీట్ అయిందంటే.. మొదట ఊపిరి పీల్చుకున్నది ఆమే.

అందుకే పూరీ పూర్తి చేశాడని సంతోషించేస్తోంది. మొత్తానికి స్టార్ హీరోల సినిమాలు కూడా చుట్టేసిన పూరీ.. కొడుకు మూవీని జాగ్రత్తగా ముగింపు స్టేజ్ కి తెచ్చాడు. అయితే.. మెహబూబా షూటింగ్ ఎప్పుడో పూర్తయి ఉంటుందని.. కానీ మళ్లీ అదే స్పీడ్ అంటే.. బిజినెస్ జరగడం కష్టం అనే భావనతో ఓ రెండు నెలలు లేట్ గా ప్రకటిస్తున్నారనే కామెంట్స్ కూడా వినిపిస్తున్నాయి.