జగన్‌ చేతిలో పడిన అమైరా!!

పూరి జ‌గ‌న్నాథ్ హీరోయిన్లు అంటే సంథింగ్ స్పెషాలిటీ ఉన్న హీరోయిన్లు అని అర్థం. రేణుదేశాయ్‌ - అమీషా ప‌టేల్‌ - అయేషా ట‌కియా - అసిన్‌ - కాజ‌ల్‌ - ఇలియానా - హ‌న్సిక‌ - కంగ‌న‌ - త‌మ‌న్నా - ఛార్మి, ... ఇలా భామ‌ల జాబితా తిర‌గేస్తే ఇందులో ఎక్కువ మంది స్టార్ హీరోయిన్లుగా రాజ్య‌మేలిన‌వారే. ఇప్పుడు అదే బాట‌లో లోఫ‌ర్ హీరోయిన్ దిశా ప‌టానీ టాలీవుడ్‌ లో అడుగుపెడుతోంది. లోఫ‌ర్ త్వ‌ర‌లోనే రిలీజ్‌ కి వ‌స్తోంది.

ఇప్పుడిక ఈ సినిమా తర్వాత పూరి తెర‌కెక్కించే సినిమాకి సంబంధించిన ప‌నులు శ‌ర‌వేగంగా సాగుతున్నాయి. లోఫ‌ర్ త‌ర్వాత అత‌డు రోగ్ అనే చిత్రానికి ద‌ర్శ‌క‌త్వం వ‌హిస్తున్నాడు. ఈ చిత్రంతో మ‌హాత్మ నిర్మాత సి.ఆర్‌.మ‌నోమ‌ర్ అన్న కొడుకు ఇషాన్‌ ని హీరోగా ప‌రిచ‌యం చేస్తున్నాడు. ఈ సినిమా కోసం ముంబై టాప్ మోడ‌ల్ అమైరా ద‌స్త‌ర్ ని క‌థానాయిక‌గా ఎంపిక చేసుకున్నాడు. అమైరా ఇటీవ‌లి కాలంలో టాలీవుడ్‌ లో టాప్ స్లాట్ హీరోయిన్‌ గా ఎద‌గాల‌ని ఎంతో ఉత్సాహంగా అడుగులు వేస్తోంది. ఇప్ప‌టికే చ‌ర‌ణ్‌ - బ‌న్ని - మ‌హేష్ లాంటి స్టార్ల‌తో న‌టించాల‌న్న కోరిక‌ను వ్య‌క్త‌ప‌రిచింది. అమైరా స్కెచ్ ఓ రేంజులో ఉంది.

అయితే అంత పెద్ద స్టార్ల‌తో ఆరంభ‌మే అవ‌కాశం రాక‌పోయినా.. ఇప్పుడు పూరి లాంటి స్టార్ డైరెక్ట‌ర్‌ తో ప‌నిచేసే ఛాన్సొచ్చింది కాబ‌ట్టి కెరీర్ ప‌రంగా బోలెడంత స్కోప్ క‌నిపిస్తోంది. త్వరలో మొదలయ్యే కొత్త హీరో ఇషాన్‌ సినిమాలో ఈ భామే లీడ్ గాళ్‌. గతంలో ధనుష్‌ సరసన ఈమె చేసిన 'అనేకుడు' సినిమా ద్వారా తన అందాల ఖాతాను ఆల్రెడీ ఇక్కడ తెరిచిందిలే.