వింటేజ్ సెట్ లో మెహబూబా

దర్శకుడు పూరి జగన్నాథ్ మెహబూబా షూటింగ్ పనులను చూస్తుంటే సినిమా తప్పకుండా అందరిని ఆకట్టుకునేలా ఉందనిపిస్తోంది. చాలా రోజుల తరువాత పూరి రెగ్యులర్ ఫార్మాట్ ని వదలి లవ్ ట్రాక్ లోకి షిఫ్ట్ అయ్యాడు. సినిమాలో తన కొడుకు ఆకాష్ నటిస్తోన్న సంగతి తెలిసిందే. లవ్ ఎమోషన్స్ ని టార్గెట్ చేస్తూ అందంగా సినిమాను తెరకెక్కించడానికి ప్లాన్ చేస్తున్నారట. గత మూడు నెలల కిందట స్టార్ట్ అయిన మెహబూబా ఇప్పటికే కొన్ని షెడ్యూల్స్ ని పూర్తి చేసుకుంది.

ఎలాగైనా మరికొన్ని నెలల్లో సినిమా షూటింగ్ ని పూర్తి చేసి రిలీజ్ చేయాలనీ పూరి జగన్నాథ్ ప్లానింగ్ తో వెళుతున్నాడు. అయితే రీసెంట్ గా కొంచెం గ్యాప్ తీసుకున్న చిత్ర యూనిట్ మరొక షెడ్యూల్ ని భారీగా ప్లాన్ చేసింది. ఆర్ట్ డైరెక్టర్ జానీ ఒక వింటేజ్ సెట్ (పాత తరం లుక్కుతో సెట్) ను క్రియేట్ చేస్తున్నాడు. ప్రస్తుతం అందుకు సంబందించిన పనులు శరవేగంగా జరుగుతున్నాయి. ఇండో - పాక్ యుద్ధ సమయంలో వాతావరణం ఎలా ఉండేదో ఆ విధంగా కొన్ని థ్రిల్లింగ్ సీన్స్ ను దర్శకుడు ఆ సెట్ లో ప్లాన్ చేస్తున్నట్లు తెలుస్తోంది.

దాదాపు సెట్ పనులు మొత్తం పూర్తయ్యాయట జనవరి నాలుగు నుంచి ఆ షెడ్యూల్ ని మొదలు పెట్టి వీలైనంత త్వరగా పూర్తి చేయాలనీ అనుకుంటున్నారు. ఇక సినిమాలో ఆకాష్ సరసన నేహా శెట్టి నటిస్తోంది. పూరి జగన్నాథ్ టూరింగ్ టాకీస్ పతాకంపై తెరకెక్కుతోన్న ఈ సినిమాకు సందీప్ చౌతా సంగీతం సమకూరుస్తున్నాడు. మరి ఈ సినిమా దర్శకుడికి ఎలాంటి విజయాన్ని అందిస్తుందో చూడాలి.