కుర్ర హీరోలతో పూరి జగన్ మల్టీ స్టారర్

దర్శకుడు పూరి జగన్ ఏ సినిమా చేసినా కూడా అది సంచలనాత్మకంగా ఉంటుంది. రిలీజ్ తరువాత రిజల్టు ఎలా ఉన్నా కూడా.. రిలీజుకు ముందు మాత్రం కేవలం టైటిల్ మరియు క్యాస్టింగ్ తో హైప్ తెచ్చేస్తాడు. నిజానికి కళ్యాణ్‌ రామ్‌ తో చేస్తున్న ''ఇజం'' సినిమా పూర్తవ్వగానే మనోడు మహేష్‌ బాబుతో ''జనగనమణ'' సినిమా చేస్తాడని అందరూ అనుకున్నారు. కాని నిజానికి అంతకంటే ముందు ఓ చిన్న ప్రాజెక్టు చేస్తున్నాడట. పదండి చూద్దాం.

ఓ ఇద్దరు కుర్ర హీరోలతో పూరి జగన్ మల్టీ స్టారర్ సినిమా చేయాలని చూస్తున్నట్లు తెలుస్తోంది. ఇప్పటికే కుర్ర హీరో నాగ శౌర్యను ఒక హీరోగా ఎంచుకున్న పూరి.. పెళ్లి చూపులతో సోలో సక్సెస్ కొట్టిన విజయ్ దేవరకొండను మరొక హీరో పాత్రలోకి దించాలని చూస్తున్నట్లు టాక్. అంతే కాదు ఇదొక యాక్షన్ లవ్ డ్రామా అని తెలుస్తోంది. ఒకే అమ్మాయి కోసం ఇద్దరి మధ్యన జరిగే సమరం అనమాట. అయితే హీరోయిన్ ఎవరనేది ఇంకా కన్ఫామ్ కాలేదు. ప్రస్తుతం హీరోయిన్ను ఫిక్స్ చేసే పనిలో ఛార్మి ఉన్నట్లు టాక్.

ఏదేమైనా కూడా.. పూరి జగన్ సినిమాలో చేయడం అంటే.. ఖచ్చితంగా నాగ శౌర్య అండ్ విజయ్ దేవరకొండను కొత్త డైమన్షన్ లో ప్రెజంట్ చేస్తాడు ఈ డైరక్టర్. తద్వారా వారి ఇమేజ్ చేంజ్ అయిపోతుంది. గతంలో మహేష్‌, ప్రభాస్‌ అది మనం ప్రత్యక్షంగా చూశాం కూడా.