కొడుకు కోసం పూరీ పక్కా ప్లాన్

మాస్ చిత్రాల దర్శకుడిగా.. జెట్ స్పీడ్ లో సినిమాలు పూర్తి చేసే డైరెక్టర్ గా పూరీ జగన్నాథ్ కి పేరుంది. ఏ హీరోని అయినా లాంఛింగ్ చేయాలంటే పూరీ తర్వాతే ఎవరైనా. రీసెంట్ గా కొన్ని సినిమాలు నిరుత్సాహపరిచినా.. పూరీ ఫాం పై కానీ, కేపబిలిటీ పై కానీ ఎవరికీ అనుమానాలు లేవు. అయితే ఓ విషయంలో మాత్రం పూరీ సక్సెస్ కాలేకపోయాడు.

తన కొడుకు ఆకాష్ ని హీరోగా ఎలివేట్ చేయడంలో పూరీ జగన్నాథ్ ఫెయిల్ అయ్యాడు. అఫ్ కోర్స్.. ఆకాష్ హీరోగా లాంఛింగ్ మూవీని పూరీ డైరెక్ట్ చేయకపోయినా.. ఆ రిజల్ట్ ని అంచనా వేయడంలో పూరీ ఫెయిల్ అనాల్సిందే. అందుకే ఇప్పుడు తన కొడుకును పర్ఫెక్ట్ గా తీర్చిదిద్దేందుకు పూరీ సూపర్ స్కెచ్ వేశాడని తెలుస్తోది. కొన్నాళ్ల పాటు, కొన్నేళ్ల పాటు తన దగ్గరే అసిస్టెంట్ డైరెక్టర్ గా చేయమని ఆకాష్ కి చెప్పాడట పూరీ. ఇలా అసిస్టెంట్ డైరెక్టర్ గా పని చేయడం ద్వారా.. అన్ని విభాగాల్లోనూ పర్ఫెక్ట్ గా తయారు కావచ్చనేది పూరీ ఆలోచన. పైగా తన దగ్గరే ఉండడంతో.. వీలైనన్ని మెళకువలు తెలియచెప్పచ్చని అనుకుంటున్నాడట పూరీ.

ప్రస్తుతం కొన్ని ఇంట్రెస్టింగ్ ప్రాజెక్టులు హ్యాండిల్ చేస్తున్న పూరీ.. త్వరలో ఎన్టీఆర్ తో ఒకటి, కళ్యాణ్ రామ్ తొ మరొకటి కూడా సినిమా ఓకే చేయించేసుకున్నాడు. వీటికి అసిస్టెంట్ గా ఆకాష్ ఫని చేస్తే.. హీరోయిజం - ఎలివేషన్ ఇలా అనేక అంశాల్లో కొడుకు నైపుణ్యం సాధిస్తాడని పూరీ భావిస్తున్నాడని తెలుస్తోంది.