మళ్లీ ఆ పని చేయనంటున్న పూరీ

పూరీ జగన్నాధ్-కళ్యాణ్ రామ్ ల ఇజంల రిలీజ్ డేట్ కి మరో రెండు రోజుల గ్యాప్ మాత్రమే ఉంది. ఇప్పటికే ఇజం స్టోరీపై చాలానే ఊహాగానాలు వినిపిస్తున్నాయి. వికీ లీక్స్.. పనామా పేపర్స్ థీమ్ తో ఈ సినిమా నడుస్తుందని అంటున్నారు. మరి ఈ గాసిప్స్ పై స్ట్రెయిట్ ఫార్వార్డ్ పూరీ ఏమంటున్నాడో తెలుసా?

'పదేళ్ల క్రితం ఈ ఆలోచన వచ్చింది. ఆ తర్వాత మెల్లగా స్క్రిప్ట్ రూపంలోకి మారింది. వికీ లీక్స్ వంటి సంఘటనలతో నా ఆలోచనకు ఓ కంప్లీట్ నెస్ వచ్చింది. ఇప్పటి కాలానికి సరైన స్టోరీ అనిపించడంతోనే సినిమా చేశాను' అంటున్న పూరీ.. ఓ కథ పదేళ్లపాటు తన దగ్గరే ఉండిపోవడానికి రీజన్ కూడా చెప్పాడు. 'ఒక స్టోరీని ఓ హీరో రిజెక్ట్ చేశాడంటే అర్ధం ఆ స్టోరీ బ్యాడ్ అని కాదు. అది తనకు సూట్ కాదంతే. అంతెందుకు.. పోకిరిని మహేష్.. ఈడియట్ ను రవితేజ చేయకముందు వేరే హీరోలు రిజెక్ట్ చేశారు' అంటూ బ్లాక్ బస్టర్ మూవీస్ పై బ్రేకింగ్ న్యూస్ చెప్పాడు పూరీ.

అలాగే ప్రస్తుత కాలానికి సమాజానికి ఇజం స్టోరీ పర్ఫెక్ట్ గా సింక్ అవుతుందని అంటున్న ఈ దర్శకుడు.. హీరో కళ్యాణ్ రామ్ డెడికేషన్ గురించి తెగ పొగిడేశాడు. 'ఒక సినిమా కోసం 3 నెలల్లో 13 కేజీల బరువు తగ్గడం అంటే చిన్న విషయం కాదు. అయినా నేను హీరోల్లో మార్పు తీసుకొచ్చేస్తూ ఉంటానని అంటారు. నేనేమీ సిక్స్ ప్యాక్ చేసిన డైరెక్టర్ ని కాదు కదా' అంటున్న పూరీ.. వాళ్లు మేకోవర్ చూపించారంటే అందుకు కారణం ఆ పాత్ర కోసం వారు చూపించిన డెడికేషన్ అంతే అన్నాడు.

ఇజంలో పూరీ తొలిసారిగా చేసిన పనులు కొన్ని ఉన్నాయి. ఇజం చిత్రానికి ఓ పాట పాడ్డమే కాకుండా.. పాట రాశాడు కూడా. గతంలో బిజినెస్ మ్యాన్ కి కాసేపు హమ్ చేసినా.. ఇజంలో టైటిల్ సాంగ్ తనే రాసేసి మరీ పాడేశాడు పూరీ. 'సంగీత దర్శకుడు అనూప్ రూబెన్స్ నన్నే పాట రాయమని.. పాడమని అన్నాడు. నేను పాటలు రాద్దామని చాలా కాలంగా అనుకుంటున్నా కానీ.. అదెంత కష్టమో నాకు తెలుసు. ఇజం కోసం తప్ప మళ్లీ ఎప్పుడూ పాట రాయను కూడా' అనేశాడు పూరీ జగన్నాధ్.

కళ్యాణ్ రామ్ తో బాగా అనుబంధం ఏర్పడిందన్న ఈ దర్శకుడు.. 'ఎన్టీఆర్ ఆర్ట్స్ బ్యానర్ లో మరో రెండు సినిమాలు చేయబోతున్నా. త్వరలో వాటి డీటైల్స్ అనౌన్స్ చేస్తా'నంటూ టీజ్ చేస్తున్నాడు. వీటిలో ఒకటి జూనియర్ ఎన్టీఆర్ తోనే అంటూ ఇప్పటికే నందమూరి అభిమానులు ఫిక్స్ అయిపోయారు లెండి.

Like Us on Facebook : https://www.facebook.com/Tupakidotcom/