ప్రభాస్ హగ్ బాగుంటుంది -పూరీ

ప్రభాస్ ని హగ్ చేసుకుంటే బావుంటుంది.. నేను చాలా మంది హీరోయిన్స్ ని కూడా కౌగిలించుకున్నా కానీ.. ప్రభాస్ హగ్ మాత్రం చాలా బావుంటుంది. అందులో అంతటి ఆత్మీయత ఉంటుంది. ఇదీ లోఫర్ ఆడియో ఫంక్షన్ లో ప్రభాస్ పై పూరీ జగన్నాధ్ చేసిన కామెంట్స్.

తన సినిమాని తను పొగుడుకోవడం సాధారణంగా జరిగేదే. బాగా తీసేశాను, సూపర్ గా వచ్చింది లాంటివి చెప్పుకోవడం సాధారణమే. కానీ లోఫర్ ఆడియో ఫంక్షన్ కి చీఫ్ గెస్ట్ గా వచ్చిన ప్రభాస్ ని ప్రశంసించడానికి తన సినిమాలోని డైలాగ్ నే లీడ్ గా తీసుకున్నాడు పూరీ. "టిప్పర్ లారీ వచ్చి సైకిల్ ని గుద్దేస్తే ఎలా ఉంటుందో తెలుసా" అంటూ బుజ్జిగాడులో ప్రభాస్ ఓ డైలాగ్ చెబ్తాడు.. ఇప్పుడు మా రెబెల్ స్టార్ మమ్మల్ని బాహుబలితో అలా గుద్దేశాడు అంటూ.. చరిత్ర సృష్టించిన ఆ సినిమాని నేరుగానే ప్రశంసించాడు. అంతే కాదు మాకు ఆ టిప్పర్ లారీ చాలా ఇష్టం అని కూడా చెప్పాడు.

కొన్నేళ్ల క్రితం అమ్మా, నాన్నా తమళమ్మాయి తీసినపుడు.. తన గురువు వర్మ వచ్చి, మామ్మ, తాతయ్య, మామయ్య అంటూ కథలు ఎలా రాస్తారని విమర్శించినట్లు చెప్పాడు పూరీ జగన్నాధ్. ఇప్పుడు లోఫర్ కి మాత్రం మా అమ్మ మహాలక్ష్మి అనే టైటిల్ పెట్టమని సూచించినట్లు లోఫర్ గురించి చెప్పుకొచ్చాడు పూరీ.