ఛార్మీని దేవతగా చెప్పిన దర్శకుడు!!

దర్శకుడు పూరీ జగన్నాథ్- హీరోయిన్ ఛార్మీ.. వీరిద్దరిపై చాలాకాలంగా రకరకాల రూమర్స్ వస్తూనే ఉన్నాయి. ఛార్మీ దాదాపుగా కెరీర్ పూర్తయిపోయిన స్థాయిలో ఉన్నపుడు.. ఆమెతో జ్యోతిలక్ష్మి సినిమా చేశాడు పూరీ. అఫ్ కోర్స్ అది ఆడలేదు. ఆ తర్వాత పూరీ కనెక్ట్స్ అనే ట్యాలెంట్ మేనేజ్మెంట్ కంపెనీ స్టార్ట్ చేసి.. దానికి ఛార్మీని సీఈఓని చేశాడు. ఇప్పుడు పూరీ టీంలో ఆమె కీలక సభ్యురాలే కాదు.. ప్రొడక్షన్ విభాగాన్ని చూసుకునే వ్యక్తి కూడా. ఇదంతా రకరకాల రూమర్స్ కు దారి తీసింది.

ఇప్పుడు డ్రగ్స్ రాకెట్ విషయంలో స్పెషల్ ఇన్వెస్టిగేషన్ టీం ముందు హాజరైన పూరీ జగన్నాథ్ కు.. ఈ యాంగిల్ లో కూడా ప్రశ్నలు ఎదురయ్యాయట. అంటే పర్సనల్ రిలేషన్స్ జోలికి అధికారులు వెళ్లకపోయినా.. కెల్విన్ నుంచి తీసుకున్న డ్రగ్స్ ఛార్మీకి మీరే ఇచ్చేవారా.. ఛార్మీ ఎంతకాలం నుంచి డ్రగ్స్ వినియోగిస్తోంది. కెల్విన్- ఛార్మీల మధ్య డ్రగ్స్ సప్లయర్ గా ఉన్నారా వంటి ప్రశ్నలు అనేకం ఎదురయ్యాయట. ఇన్వెస్టిగేషన్ టీం ముందుకు వెళ్లిన తర్వాత.. ఈ మాత్రం టిపికల్ క్వశ్చన్స్ రావడంలో ఆశ్చర్యమేమీ లేదు కానీ.. ఛార్మీకి డ్రగ్స్ కి ముడి పెట్టినపుడు.. పూరీ ఫేస్ ఫీలింగ్స్ ఎమోషనల్ గా మారిపోవడం చూసి సిట్ అధికారులే ఆశ్చర్యపోయారని అంటున్నారు.

ఈ ప్రశ్నల పరంపర మరీ ఎక్కువయిపోవడంతో.. 'ఆమె చాలా హార్డ్ వర్క్ చేస్తుంది. జీవితంలో ఎంతో కష్టపడి ఇప్పుడీ స్థాయికి వచ్చింది. రకరకాల వార్తలు రాసి మీడియా ఆమె ఇమేజ్ ను దారుణంగా దెబ్బతీసింది. దేవతలకు ఎంత క్లీన్ ఇమేజ్ ఉంటుందో.. డ్రగ్స్ విషయంలో ఛార్మీ కూడా అంతే' అంటూ సిట్ అధికారులకు చెప్పాడట పూరీ. ఈ స్టేట్మెంట్ విన్నవాళ్లు షాక్ అయిపోవడంలో ఆశ్చర్యమేముంది.