పూరి-హ‌రికృష్ణ‌.. రెండు పావురాల క‌థ‌

పూరి జ‌గ‌న్నాథ్ కు నంద‌మూరి హ‌రికృష్ణ రెండు పావురాలు కానుక‌గా ఇచ్చాడ‌ట‌. అవి గుడ్లు కూడా పెట్టాయ‌ని.. త్వ‌ర‌లోనే వాటిని తీసుకుని కుటుంబంతో హ‌రికృష్ణ‌ను క‌లుస్తాన‌ని అంటున్నాడు. ఇంత‌కీ ఈ పావురాలేంటి.. హ‌రికృష్ణ వాటిని పూరికి గిఫ్ట్ ఇవ్వ‌డ‌మేంటి.. ‘ఇజం’ ఆడియో వేడుక‌లో పూరి చెప్పిన ఈ క‌థేంటో ఆయ‌న మాటల్లోనే తెలుసుకుందాం ప‌దండి.

‘‘ఇజం టీజ‌ర్ కు చాలా మంచి రెస్పాన్స్ వ‌చ్చింది. అది త‌న నాన్న హ‌రికృష్ణ‌కు చాలా బాగా న‌చ్చేయ‌డంతో క‌ళ్యాణ్ రామ్ ఉబ్బిత‌బ్బిబ్బ‌యిపోయాడు. ఆ టీజ‌ర్ హ‌రికృష్ణ గారికి ఎంత‌గా న‌చ్చిందంటే ఆయ‌న ముచ్చ‌ట‌ప‌డి నాకు రెండు పావురాల్ని కానుక‌గా ఇచ్చారు. అవి నా ద‌గ్గ‌రే పెరుగుతున్నాయి. గుడ్లు కూడా పెట్టాయి. ఆ పిల్ల‌లు పెద్ద‌వ‌య్యాక తీసుకుని ఫ్యామిలీతో హ‌రికృష్ణ‌గారిని క‌లుస్తాను.

ఆ సంగ‌త‌లా ఉంచితే ఈ సినిమాలో క‌ళ్యాణ్ రామ్ అద‌ర‌గొట్టేశాడు. అత‌డి పెర్ఫామెన్స్ చూసి హ‌రికృష్ణ‌గారు ప్రౌడ్ ఫీల‌వుతారు. ముఖ్యంగా ఇందులో ఓ కోర్ట్ సీన్ ఉంటుంది. అద్భుతంగా వ‌చ్చింది. ఈ సీన్ చూసి ఎన్టీఆర్ చాలా ఎగ్జైట్ అయి అరిచేశాడు. కోర్టు సీన్లంటే నంద‌మూరి హీరోల‌వే. ఇందులోనూ ఆ సీన్ బాగా వ‌చ్చింది. మామూలుగా త‌మ సినిమా బాగుంద‌ని చెప్ప‌డానికే ఎవ‌రైనా ఆడియో వేడుక పెడ‌తారు. ఐతే మా సినిమా చాలా బాగా వ‌చ్చింది. క‌చ్చితంగా పెద్ద హిట్ట‌వుతుంది’’ అని పూరి అన్నాడు.

Like Us on Facebook : https://www.facebook.com/Tupakidotcom/