వాళ్లిద్దరి బీడి.. పూరి వెలిగించాడు

అది నిజంగా వెలిగించుకున్నారో లేకపోతే సినిమా కోసం వెలిగించుకున్నారో తెలియదు కాని.. ఇక్కడ మాత్రం వెలిగించడానికి సిద్దపడ్డ పూరి జగన్‌ తో.. వెలిగించుకోవడానికి సిద్దపడిన మన స్టార్లను చూడొచ్చు. అసలు ఏంటండీ ఈ బీడి కహానీ??

నందమూరి కళ్యాణ్‌ రామ్‌ తో తీస్తున్న సినిమా కోసం.. చీఫ్‌ విలన్‌ గా జగపతిబాబును బుక్‌ చేసుకున్నాడు పూరి జగన్‌. ఇప్పటికే తనకు టెంపర్ లో మూర్తి గారు పాత్రను ఇవ్వలేదని జగపతి ఫీలైన సంగతి తెలిసిందే. దాని గురించే పూరి మాట్లాడుతూ.. ఒకప్పటి తన ''బాచి'' హీరోను అలా సైడ్‌ క్యారెక్టర్లలో కాదని.. మెయిన్‌ విలన్ గానే పెడతానంటూ ప్రతిజ్ఞ చేసుకుని.. ఇప్పుడు రంగంలోకి దింపాడు. ఈ సినిమా షూటింగ్‌ ఇప్పుడు ఒక రేంజులో జరుగుతోందట. అదిగో ఆ సమయంలో.. అలా కళ్యాణ్‌ రామ్‌ నోట్లో ఒక బిడి.. జగపతి నోట్లో ఒక బిడి.. దానిని వెలిగిస్తున్న పూరి.. వాటే సీన్ గురూ!!

తాగేదేదో సిగరెట్టు తాగొచ్చుగా.. మరీ చీప్‌ గా బీడి ఏంటంటారా.. ఏమో అందులో పూరి ఏం ఫిలాసఫీ చెబుతున్నాడోలే. ఇకపోతే పూరి చేతిలో ఉన్న లైటర్‌.. మన బండ్ల గణేష్‌ బాబు అప్పట్లో గిఫ్టించ్చిందే అనుకుంట.