మరో కొత్త స్టార్ ను దించుతున్న పూరి

సక్సెస్‌ కోసం తీవ్రంగా ప్రయత్నాలు చేస్తున్న ఎనర్జిటిక్‌ స్టార్‌ రామ్‌ మరియు డాషింగ్‌ డైరెక్టర్‌ పూరి జగన్నాధ్‌ లు కలిసి 'ఇస్మార్ట్‌ శంకర్‌' అనే చిత్రాన్ని చేస్తున్న విషయం తెల్సిందే. ఇటీవలే ఈ చిత్రం షూటింగ్‌ ప్రారంభం అయ్యింది. రామ్‌ లుక్‌ చాలా విభిన్నంగా ఉంది. రామ్‌ గత చిత్రాలతో పోల్చితే ఈ చిత్రంలో చాలా ట్రెండీగా కనిపించబోతున్నాడు. పూరి సినిమాలో హీరోలు అల్లరి చిల్లరగా ఉంటారు. అదే తరహాలో ఈ చిత్రంలో రామ్‌ కనిపించబోతున్నాడు. ఇక తాజాగా ఈ చిత్రంలో హీరోయిన్‌ గా నిధి అగర్వాల్‌ ను ఎంపిక చేశారు. ఆ విషయాన్ని అధికారికంగా ప్రకటించారు కూడా. తాజాగా ఈ చిత్రంలో విలన్‌ పాత్రకు గాను సుదాన్షు పాండేను ఎంపిక చేశారని సమాచారం అందుతోంది.

బాలీవుడ్‌ స్టైలిష్‌ విలన్‌ గా గుర్తింపు దక్కించుకున్న సుదాన్షు పాండేను ఇస్మార్ట్‌ శంకర్‌ కోసం పూరి ఒప్పించాడు. సుదాన్షు ఇటీవలే '2.ఓ' చిత్రంలో కీలకమైన గెస్ట్‌ రోల్‌ లో కనిపించాడు. పలు హిందీ సినిమాల్లో నటించిన సుదాన్షు ను పూరి తెలుగు ప్రేక్షకుల ముందుకు తీసుకు రాబోతున్నాడు. ఇప్పటికే ఎంతో మంది విలన్స్‌ ను పట్టుకు వచ్చిన పూరి ఇప్పుడు మరో కొత్త విలన్‌ తో ప్రయత్నం చేస్తున్నాడు. ఏ ప్రయత్నం చేసినా కూడా పూరి సక్సెస్‌ కోసమే. ఈ సినిమా సక్సెస్‌ రామ్‌ తో పాటు పూరికి కూడా చాలా కీలకం. అందుకే ప్రతి విషయంలో చాలా జాగ్రత్తలు తీసుకుంటున్నాడు. ఎక్కడ ఛాన్స్‌ తీసుకోకుండా పూరి ఈ చిత్రాన్ని తెరకెక్కిస్తున్నాడు.