Begin typing your search above and press return to search.
రాఖీభాయ్ తో పూరి మూవీ.. రచ్చ రచ్చేనా?
By: Tupaki Desk | 4 Jan 2021 2:30 PM GMT
హీరోను ఎలివేట్ చేయడంలో డాషింగ్ డైరెక్టర్ పూరీజగన్నాథ్ స్టైలే వేరు. తనదైన టేకింగ్ తో హీరోయిజాన్ని ఎవరెస్ట్ మీద నిలబెడతాడు పూరీ. ఇక, కేజీఎఫ్ సినిమాతో తన స్టామినా ఏంటో చాటి చెప్పాడు కన్నడ స్టార్ యశ్. చురకత్తిలాంటి బాడీతో అందరి దృష్టినీ ఆకర్షించాడు రాఖీభాయ్. ఇప్పుడు విషయం ఏమంటే.. వీరిద్దరూ కలిసి ఓ యాక్షన్ ఎంటర్ టైనర్ ను ఆడియన్స్ కు గిఫ్ట్ గా ఇచ్చేందుకు ట్రై చేస్తున్నారని టాక్. అది కూడా పాన్ ఇండియా లెవల్లో.
ప్రశాంత్ నీల్ డైరెక్షన్లో గోల్డ్ మైనింగ్ బ్యాక్ డ్రాప్ లో తెరకెక్కిన ‘కెజిఎఫ్’తో పాన్ ఇండియా లెవల్లో స్వర్ణపతకం కొట్టేశాడు హీరో యశ్. అద్భుతమైన నటనతో ఆడియన్స్ ను అలరించాడు రాఖీ భాయ్. ఈ చిత్రంతో పాన్ ఇండియా స్టార్ జాబితాలో చేరిపోయాడు. ప్రస్తుతం శరవేగంగా తెరకెక్కుతున్న కేజీఎఫ్ చాప్టర్-2 కోసం దేశవ్యాప్తంగా అభిమానులు ఎదురు చూస్తున్నారు. ఇలాంటి పరిస్థితుల్లోనే.. దర్శకుడు పూరి జగన్నాథ్ యశ్ తో పాన్ ఇండియా మూవీకి సిద్ధమవుతున్నాడన్న వార్త ఆసక్తిని రేకెత్తిస్తోంది. హీరోలను ఓ రేంజ్ లో చూపించే పూరీ.. యశ్ ను ఎలా చూపిస్తాడోనని అంచనాలు వేసుకుంటున్నారు.
మాఫియా నేపథ్యంలో పూరీ అద్భుతమైన స్క్రిప్ట్‌ను తయారు చేశాడని సమాచారం. దీన్ని హీరో యశ్ కు వినిపించాడని కూడా తెలుస్తోంది. ఈ స్టోరీ లైన్ కు వెంటనే కనెక్ట్ అయిపోయిన యశ్.. సినిమా చేసేందుకు అంగీకరించాడని సమాచారం.
ప్రస్తుతం విజయ్ దేవరకొండతో ఫైటర్ మూవీ తెరకెక్కిస్తున్నాడు పూరీ. ముంబైలో ఎక్కువ భాగం ఉండే ఈ సినిమాను.. ఇప్పుడు అక్కడే తెరకెక్కిస్తున్నాడు. అది పూర్తయిన వెంటనే యశ్ చిత్రాన్ని ప్రారంభించాలని యోచిస్తున్నాడు. పాన్ ఇండియా మూవీ తెరకెక్కించాలని భావిస్తున్న ఈ మూవీని.. అన్ని భాషల్లోనూ ఒకేసారి రిలీజ్ చేయాలని సూచిస్తున్నారు.
కాగా.. పూరీ బాలీవుడ్ పై కన్నేసినట్టు తెలుస్తోంది. ప్రస్తుతం రూపొందిస్తున్న ‘ఫైటర్’, ఆ తర్వాత తీయబోయే యశ్ మూవీని హిందీలో కూడా విడుదల చేయడం ద్వారా బీటౌన్ లో తన సత్తా చాటాలని ప్రయత్నిస్తున్నట్టు సమాచారం. అయితే.. బాలీవుడ్‌కు పూరీ కొత్తవాడేం కాదు. గతంలో బిగ్ బీ అమితాబ్ బచ్చన్ తో ‘బుడ్డా హోగా తేరా బాప్’ చిత్రాన్ని తెరకెక్కించి బాలీవుడ్‌లోకి అడుగుపెట్టాడు. ఈ చిత్రం అమితాబ్‌ను కొత్త కోణంలో ఆవిష్కరించింది. పూరి దర్శకత్వ ప్రతిభను కూడా చాటింది. ఇప్పుడు ఈ రెండు సినిమాల ద్వారా మరోసారి బాలీవుడ్ పై గురిపెట్టినట్టు సమాచారం.
ప్రశాంత్ నీల్ డైరెక్షన్లో గోల్డ్ మైనింగ్ బ్యాక్ డ్రాప్ లో తెరకెక్కిన ‘కెజిఎఫ్’తో పాన్ ఇండియా లెవల్లో స్వర్ణపతకం కొట్టేశాడు హీరో యశ్. అద్భుతమైన నటనతో ఆడియన్స్ ను అలరించాడు రాఖీ భాయ్. ఈ చిత్రంతో పాన్ ఇండియా స్టార్ జాబితాలో చేరిపోయాడు. ప్రస్తుతం శరవేగంగా తెరకెక్కుతున్న కేజీఎఫ్ చాప్టర్-2 కోసం దేశవ్యాప్తంగా అభిమానులు ఎదురు చూస్తున్నారు. ఇలాంటి పరిస్థితుల్లోనే.. దర్శకుడు పూరి జగన్నాథ్ యశ్ తో పాన్ ఇండియా మూవీకి సిద్ధమవుతున్నాడన్న వార్త ఆసక్తిని రేకెత్తిస్తోంది. హీరోలను ఓ రేంజ్ లో చూపించే పూరీ.. యశ్ ను ఎలా చూపిస్తాడోనని అంచనాలు వేసుకుంటున్నారు.
మాఫియా నేపథ్యంలో పూరీ అద్భుతమైన స్క్రిప్ట్‌ను తయారు చేశాడని సమాచారం. దీన్ని హీరో యశ్ కు వినిపించాడని కూడా తెలుస్తోంది. ఈ స్టోరీ లైన్ కు వెంటనే కనెక్ట్ అయిపోయిన యశ్.. సినిమా చేసేందుకు అంగీకరించాడని సమాచారం.
ప్రస్తుతం విజయ్ దేవరకొండతో ఫైటర్ మూవీ తెరకెక్కిస్తున్నాడు పూరీ. ముంబైలో ఎక్కువ భాగం ఉండే ఈ సినిమాను.. ఇప్పుడు అక్కడే తెరకెక్కిస్తున్నాడు. అది పూర్తయిన వెంటనే యశ్ చిత్రాన్ని ప్రారంభించాలని యోచిస్తున్నాడు. పాన్ ఇండియా మూవీ తెరకెక్కించాలని భావిస్తున్న ఈ మూవీని.. అన్ని భాషల్లోనూ ఒకేసారి రిలీజ్ చేయాలని సూచిస్తున్నారు.
కాగా.. పూరీ బాలీవుడ్ పై కన్నేసినట్టు తెలుస్తోంది. ప్రస్తుతం రూపొందిస్తున్న ‘ఫైటర్’, ఆ తర్వాత తీయబోయే యశ్ మూవీని హిందీలో కూడా విడుదల చేయడం ద్వారా బీటౌన్ లో తన సత్తా చాటాలని ప్రయత్నిస్తున్నట్టు సమాచారం. అయితే.. బాలీవుడ్‌కు పూరీ కొత్తవాడేం కాదు. గతంలో బిగ్ బీ అమితాబ్ బచ్చన్ తో ‘బుడ్డా హోగా తేరా బాప్’ చిత్రాన్ని తెరకెక్కించి బాలీవుడ్‌లోకి అడుగుపెట్టాడు. ఈ చిత్రం అమితాబ్‌ను కొత్త కోణంలో ఆవిష్కరించింది. పూరి దర్శకత్వ ప్రతిభను కూడా చాటింది. ఇప్పుడు ఈ రెండు సినిమాల ద్వారా మరోసారి బాలీవుడ్ పై గురిపెట్టినట్టు సమాచారం.
