సల్మాన్ తో పూరి సినిమా.. లిస్ట్ లో మరో ముగ్గురు!

డేరింగ్ అండ్ డ్యాషింగ్ డైరెక్టర్ పూరి జగన్నాథ్ తో సినిమా చేయాలని ఒకప్పుడు యువ హీరోలు సీనియర్ హీరోలు అందరూ కూడా ఎంతో ఆసక్తిని చూపించేవారు. కానీ కొన్నాళ్లకు ఆయన చేతివాటం అంతగా వర్కౌట్ కావడం లేదు అని రిజెక్ట్ చేశారు. ఇక ఇస్మార్ట్ శంకర్ సినిమా మాస్ ఇమేజ్ బాగానే వర్కౌట్ అయింది కాని ఇంకా పూరి రేంజ్ లో ఆ సినిమా అయితే మెప్పించలేదు అనేవారు కూడా ఉన్నారు.

ఇక ప్రస్తుతం అందరి ఫోకస్ లైగర్ సినిమా పైనే ఉంది. ఈ సినిమాపై ప్రస్తుతమైతే అనుకున్నంతగా బజ్ క్రియేట్ అవ్వడం లేదు. చిత్ర యూనిట్ మాత్రం హడావిడి బాగానే చేస్తుంది. కానీ విజయ్ దేవరకొండ పూరితో సినిమా చేయడానికి ఒప్పుకున్నాడు అంటే తప్పకుండా ఇందులో చాలా పవర్ఫుల్ కంటెంట్ ఉండి ఉంటుంది అని నమ్మేవారు కూడా ఉన్నారు.

ఇక పూరి జగన్నాథ్ గతంలో ఏ హీరోతో సినిమా చేయాలని అనుకున్న కూడా చాలా తొందరగానే కథను రెడీ చేసేసుకొని ఒప్పిస్తూ ఉండేవారు. ఇక ఇటీవల ఇంటర్వ్యూలో సల్మాన్ ఖాన్ తో కూడా వర్క్ చేయాల్సి ఉంది అని పూరీ జగన్నాథ్ వివరణ ఇచ్చాడు. పూరి జగన్నాథ్ పోకిరి సినిమాను సల్మాన్ ఖాన్ హిందీలో వాంటెడ్ గా రీమేక్ చేసి సక్సెస్ కొట్టాడు. ఇక అప్పటినుంచి కూడా పూరి సల్మాన్ ఖాన్ తో సినిమా చేయాలని అనుకుంటున్నట్లుగా తెలియజేశాడు.

కొన్నిసార్లు వీరిద్దరి మధ్య చర్చలు కూడా జరిగాయట. ఇక లైగర్ సినిమా తర్వాత వర్కౌట్ అయితే ఆయనతో తప్పకుండా చేస్తాను అని అన్నారు. నెక్స్ట్ కూడా పూరి జగన్నాద్ విజయ్ దేవరకొండ తో జనగణమున అనే మరో ప్రాజెక్టును తీసుకురాబోతున్నాడు.

ఇక సల్మాన్ ఖాన్ తో పాటు రణ్ బీర్ కపూర్ రన్వీర్ సింగ్ అలాగే వరుణ్ వంటి హీరోలతో కూడా సినిమాలు చేయాలని ఉన్నట్లు పూరి జగన్నాథ్ తెలియజేశాడు. ఏదేమైనా కూడా పూరి జగన్నాథ్ లైగర్ సినిమాతో సక్సెస్ కొడితేనే మరో హీరో దొరికే అవకాశం ఉంటుంది.ఈ సినిమా ఏ మాత్రం తేడా కొట్టినా కూడా తీవ్ర ప్రభావం కూడా చూపించవచ్చు. మరి ఈ సీనియర్ దర్శకుడు బాక్సాఫీస్ వద్ద ఎలాంటి కలెక్షన్స్ అందుకుంటాడో చూడాలి.