Begin typing your search above and press return to search.

త్వరలో 'పవర్ స్టార్'తో పూరీ.. డ్రీమ్ ప్రాజెక్ట్ విషయమేనా..??

By:  Tupaki Desk   |   2 Feb 2021 2:51 PM GMT
త్వరలో పవర్ స్టార్తో పూరీ.. డ్రీమ్ ప్రాజెక్ట్ విషయమేనా..??
X
టాలీవుడ్ డాషింగ్ డైరెక్టర్ పూరీ జగన్నాథ్ డ్రీమ్ ప్రాజెక్ట్ జనగణమన మళ్లీ తెర పైకి వచ్చింది. లాక్ డౌన్ సమయంలో ముంబైలో స్టే చేసిన పూరీ త్వరలో హైదరాబాద్ లో అడుగు పెట్టనున్నాడట. అయితే వచ్చిరాగానే పవర్ స్టార్ పవన్ కళ్యాణ్ తో సిట్టింగ్ ప్లాన్ చేసినట్లు తెలుస్తుంది. ఇదివరకు పూరీ డ్రీమ్ ప్రాజెక్ట్ గురించి పవన్ తో రెండుసార్లు చర్చలు జరిపాడట. కానీ తన జనగణమన కూడా పవన్ తో తీయాలనీ ఆలోచనలో ఉన్నాడట. అయితే ఇప్పటికే పవన్ చేతినిండా సినిమాలున్నాయి. అయినా పవన్ కూడా పూరీతో మరో సినిమా లైన్ చేయాలనీ అనుకుంటున్నట్లు సమాచారం. రాబోయే సాధారణ ఎన్నికలు జరిగే లోపల పవన్ తో జనగణమన తీసేయాలని పూరీ ఆలోచన అని టాక్.

ప్రస్తుతం సమకాలీన రాజకీయ ధోరణికి తగినట్లుగా పంచ్ డైలాగ్‌లతో చిత్రాన్ని రూపొందించడానికి ప్రణాళికలు సిద్ధం చేస్తున్నాడట. వీరిద్దరి కలయికలో ఇదివరకు 'కెమెరామెన్ గంగతో రాంబాబు' సినిమా రూపొందింది. ఆ సినిమా బాక్సాఫీస్ వద్ద నిరాశపరిచింది. ప్లాప్ అవ్వడంతో పవన్ ఇంతకాలం పూరీని దూరం పెట్టినట్లు వార్తలు వినిపించాయి. కానీ ఇప్పడు అవేం లేవని అందుకే మరో సినిమా చేయడానికి సిద్ధంగా ఉన్నట్లు తెలుస్తుంది. కానీ ప్రస్తుతం పవన్ సినిమాల వైపు చూస్తే వకీల్ సాబ్ తప్ప అన్ని షూటింగ్ దశలోనే ఉన్నాయి. మలయాళం రీమేక్ అయ్యప్పనుమ్ కోషియం, డైరెక్టర్ క్రిష్ తో హిస్టోరికల్ మూవీ, ఆ తర్వాత హరీష్ శంకర్ తో మరో సినిమా.. ఇలా లైన్ లో ఉన్నాయి. అలాగే పూరీ కూడా లైగర్ సినిమాతో బిజీ. మరి ఇలాంటి టైంలో పూరీ సినిమా ఓకే అయితే గనక అది 2022 తర్వాతే వీలుపడే అవకాశం ఉందని ఇండస్ట్రీ వర్గాలు చెబుతున్నాయి. చూడాలి మరి పూరీ సినిమాకు మోక్షం ఎప్పుడో!