పుష్ప 1 రష్యా లెక్క.. అందుకేనా సౌండ్ లేదు!

అల్లు అర్జున్ సుకుమార్ కాంబినేషన్లో వచ్చిన పుష్ప మొదటి భాగం ఇండియాలో భారీ స్థాయిలో విజయాన్ని అందుకున్న విషయం తెలిసిందే. ఇక ఈ సినిమా ఓటీటీ ప్రపంచంలో కూడా మంచి గుర్తింపునందుకోవడంతో సెకండ్ పార్ట్ పై అంచనాలు మరింత పెరిగిపోయాయి. తప్పకుండా సినిమా ఇండియాలో 700 కోట్లకు పైగా మార్కెట్ ను క్రియేట్ చేసుకుంటుందని బాక్సాఫీస్ పండితులు కూడా అంచనా వేస్తున్నారు.

అయితే పుష్ప సెకండ్ పార్ట్ షూటింగ్ ఇంకా మొదలు పెట్టక ముందే చిత్ర యూనిట్ సభ్యులు కొంత హడావిడిగా కనిపించడం హాట్ టాపిక్ గా మారిన విషయం తెలిసిందే. పుష్ప మొదటి భాగాన్ని రష్యన్ లాంగ్వేజ్లో కూడా విడుదల చేయాలి అని ఇటీవల చిత్ర యూనిట్ సభ్యులందరూ కూడా రష్యాకు వెళ్లగా అక్కడ స్పెషల్ గా ప్రమోషన్స్ కూడా చేశారు.

టీవీ ఇంటర్వ్యూలు రేడియో ఇంటర్వ్యూలు అని తేడా లేకుండా కొంత హడావిడిగానే కనిపించారు. డైరెక్టర్ తో పాటు హీరో అల్లు అర్జున్ దేవి శ్రీ ప్రసాద్ అలాగే హీరోయిన్ రష్మిక మందాన నిర్మాత మైత్రి మూవీ మేకర్స్ నిర్మాతలు కూడా రష్యా వెళ్లడం కొంత ఆసక్తిని కలిగించింది అయితే సినిమా డిసెంబర్ 7వ తేదీన రిలీజ్ కాగా అక్కడ జనాలు ఎవరు కూడా పట్టించుకోలేదు.

దీంతో దారుణంగా కలెక్షన్స్ రావడంతో మొదటి మూడు రోజుల్లోనే సినిమాను థియేటర్లలో నుంచి తీసివేసినట్లుగా తెలుస్తోంది. ఏదేమైనా కూడా విడుదలకు ముందే ప్రమోషన్స్ తో కాస్త ఎక్కువగా హడావిడి చేసిన పుష్ప టీమ్ ఇప్పుడు రష్యాలో సినిమా ఫ్లాప్ కావడంతో అసలు సౌండ్ చేయడం లేదు. బాక్సాఫీస్ కలెక్షన్స్ వస్తే పరువుపోతుంది అని అనకుండా బయటకు చెప్పడం లేదు.

మరి పుష్ప సెకండ్ పార్ట్ తో అయినా చిత్ర యూనిట్ పూర్తిస్థాయిలో మెప్పిస్తారో లేదో చూడాలి. ఇక మరోవైపు అల్లు అర్జున్ పుష్ప 2 రెగ్యులర్ షూట్ మొదలవుతున్న విషయం తెలిసిందే. ఇక త్వరలోనే ఒక టీజర్ అయితే రిలీజ్ చేయనున్నట్లుగా తెలుస్తోంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.