'పుష్ప 2' ఇంటెన్స్ ఫైట్ క్రేజీ డిటైల్స్ ఇదిగో!

అల్లు అర్జున్ న‌టించిన `పుష్ప ది రైజ్‌` దేశ వ్యాప్తంగా ఏ స్థాయి సంచ‌ల‌నాలు సృష్టించిందో అంద‌రికి తెలిసిందే. స్టైలిష్ స్టార్ గా మంచి పేరు తెచ్చుకున్న అల్లు అర్జున్ తొలి సారి త‌న పంథాకు పూర్తి భిన్నంగా గ‌ల్ల లుంగ‌డీ క‌ట్టి ఊర‌మాస్ పాత్ర‌లో కూలోడిగా న‌టించిన తీరు ప్ర‌తీ ఒక్క‌రినీ ఆక‌ట్టుకుంది. ఉభ‌య తెలుగు రాష్ట్రాల్లో వున్న తెలుగు ప్రేక్ష‌కుల‌నే కాకుండా ఉత్త‌రాది వారిని కూడా ఈ మూవీ విశేషంగా ఆక‌ట్టుకుని ఓ మేనియానే సృష్టించింది.

డిఫ‌రెంట్ డిఫ‌రెంట్ మేన‌రిజ‌మ్స్ తో, `పుష్ప‌` సిగ్నేచ‌ర్ స్టెప్‌, ఊ అంటావా ఊహూ అంటావా .. హుక్ స్టెప్ .. శ్రీ‌వ‌ల్లీ వంటి పాట‌లు సినిమాని ఎక్క‌డికో తీసుకెళ్లి కూర్చో బెట్టాయి. దీంతో `పుష్ప‌` సంచ‌ల‌న విజ‌యాన్ని సాధించ‌డంతో పార్ట్ 2 పై భారీ స్థాయిలో అంచ‌నాలు పెరిగిపోయాయి. ఆ అంచ‌నాల‌ని దృష్టిలో పెట్టుకున్న హీరో అల్లు అర్జున్‌, ద‌ర్శ‌కుడు సుకుమార్ పార్ట్ 2ని మ‌రిన్ని ప్ర‌త్యేక‌త‌ల‌తో అత్యంత భారీ స్థాయిలో తెర‌పైకి తీసుకురాబోతున్నారు.

ఇప్ప‌టికే స్క్రీప్ట్ లో భారీ మార్పుల‌కు శ్రీ‌కారం చుట్టిన విష‌యం తెలిసిందే. ఆ కార‌ణంగానే రెగ్యుల‌ర్ షూటింగ్ ఆల‌స్యం అవుతూ వ‌స్తోంది. అన్ లిమిటెడ్ బ‌డ్జెట్ తో ఊహ‌కంద‌ని స్థాయిలో ఈ మూవీ ని తెర‌పైకి తీసుకురావాల‌ని ప్లాన్ చేసిన‌ట్టుగా తెలుస్తోంది. ఇటీవ‌ల అల్లు అర్జున్ `ఊర్వ‌శీవో రాక్ష‌సివో` సక్సెస్ సెల‌బ్రేష‌న్స్ లో ` మీరంద‌రూ `పుష్ప 2` అప్ డేట్స్ గురించి అడుగుతున్నారు. నేను మీకు ఓ చిన్న అప్ డేట్ ఇస్తా.. పుష్ప 1 ద‌గ్గేదేలే.. పుష్ప 2 మాత్రం అస్స‌లు త‌గ్గేదేలే.. డెఫినెట్ లీ పాజిటివ్ గా వుంటుంద‌ని అనుకుంటున్నాను. నేను ఎక్సైట్ అయ్యాను.. మీరు కూడా నాలాగే ఎక్సైట్ అవుతార‌ని గ‌ట్టి న‌మ్మ‌కంతో వున్నాను` అని బ్లాస్టింట్ అప్ డేట్ ని అందించి పార్ట్ 2 ఎలా వుండ‌బోతోందో చిన్న క్లారిటీ ఇచ్చేశాడు.

తాజాగా మేక‌ర్స్ చేస్తున్న ప్లానింగ్ చూస్తుంటే పార్ట్ 2 ఓ రేంజ్ లో థియేట‌ర్లు ద‌ద్ద‌రిల్లెలా వుంటుంద‌ని తెలుస్తోంది. ఈ మూవీ కోసం బ్యాంకాక్ లో టెర్రిఫిక్ యాక్ష‌న్ సీన్ ని ద‌ర్శ‌కుడు సుకుమార్ ప్లాన్ చేశార‌ట‌. న‌వంబ‌ర్ 13 నుంచి బ్యాంకాక్ లో ఫ‌స్ట్ షెడ్యూల్ ప్రారంభం కానుంద‌ని, ఫారెస్ట్ ఏరియాలో పులితో అల్లు అర్జున్ చేసే ఇంటెన్స్ యాక్ష‌న్ సీక్వెన్స్ ని షూట్ చేయ‌బోతున్నార‌ట‌. 15 రోజ‌లు పాటు ఈ షెడ్యూల్ జ‌రుగుతుంద‌ని, ఈ షెడ్యూల్ పూర్తయిన త‌రువాత చిత్ర బృందం బ్రేక్ తీసుకుని `పుష్ప ది రైజ్‌` ప్ర‌మోష‌న్స్ కోసం ర‌ష్యా వెళ్ల‌నుంద‌ని తెలుస్తోంది.

త్వ‌ర‌లో ర‌ష్యాలో `పుష్ప‌` రిలీజ్ కానున్న విష‌యం తెలిసిందే. అంతే కాకుండా టీజ‌ర్ ని, ఫ‌స్ట్ లుక్ ని కూడా ఈ నెల‌లో రిలీజ్ చేసి సినిమా ఏ రేంజ్ లో వుండ‌బోతోందో చిన్న హింట్ ని వ‌ద‌ల‌బోతున్నార‌ట‌. రీసెంట్ గా బ‌న్నీపై సినిమాటోగ్రాఫ‌ర్ మిరోస్లోవ్ కుబ బ్రోజెక్ ప్ర‌త్యేక లుక్ టెస్ట్ తో పాటు ఫోటో షూట్ ని నిర్వ‌హించిన విష‌యం తెలిసిందే.

ఫ‌స్ట్ లుక్ కోస‌మే ఫొటో షూట్ ని నిర్వ‌హించిన మేక‌ర్స్ త్వ‌ర‌లోనే ఫ‌స్ట్ లుక్ ని రిలీజ్ చేయాల‌నే ఆలోచ‌న‌లో వున్నార‌ట‌. మంగ‌ళ‌వారం సౌత్ ఆఫ్రికాకు ఫ్యామిలీతో క‌లిసి బ‌న్నీ వెళ్లిన విష‌యం తెలిసిందే. అక్క‌డ ఫ్యామిలీ ఫ్రెండ్ పెళ్లికి హ‌జ‌రై తిరిగి వ‌చ్చాక బ్యాంకాక్ వెళ్ల‌నున్నాడ‌ట‌.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.