జులై మొదటి వారంలోనే పుష్ప ఫస్ట్ సింగిల్..??

స్టైలిష్ స్టార్ అల్లు అర్జున్.. అగ్రదర్శకుడు సుకుమార్ దర్శకత్వంలో తెరకెక్కుతున్న పాన్ ఇండియా మూవీ పుష్ప. విజయవంతమైన చిత్రాల నిర్మాణ సంస్థ మైత్రి మూవీస్ బ్యానర్ పై భారీ బడ్జెట్ తో ఈ సినిమా ఈ మూవీ రూపొందుతుంది. సుకుమార్ ఎంతో ప్రతిష్టాత్మకంగా తెరకెక్కిస్తున్న ఈ మూవీకి రాక్ స్టార్ దేవిశ్రీప్రసాద్ సంగీతం అందిస్తున్నాడు. బన్నీ స‌ర‌స‌న ఫస్ట్ టైమ్ యంగ్ సెన్సేషన్ రష్మిక మంద‌న హీరోయిన్‌గా కనిపించనుంది. ఇప్పటికే విడుదల చేసిన పుష్ప పోస్టర్లు - పుష్పారాజ్ ఇంట్రడక్షన్ వీడియో సినీ ప్రేక్షకులను విప‌రీతంగా ఆకట్టుకున్నాయి. అల్లు అర్జున్ ఫస్ట్ టైమ్ ఇంతటి ఊరమాస్‌ లుక్కులో కనిపించి కనువిందు చేసాడు.

ఇప్పటికైతే పుష్ప మూవీ ఆగష్టు 13న రిలీజ్ చేయనున్నట్లు మేకర్స్ ప్రకటించారు. కరోనా కారణంగా సినిమా షూటింగ్ నిలిచిపోయి వాయిదా పడే అవకాశం ఉంది. అడవుల్లో అక్రమంగా జరిగే ఎర్రచందనం స్మగ్లింగ్ నేపథ్యంలో ఈ చిత్రం తెరకెక్కుతుంది. ఈ చిత్రంలో బ‌న్నీ లారీడ్రైవరుగా కనిపించనున్నాడు. అయితే క‌థ‌, క‌థనం గురించి ప‌క్క‌న పెడితే ఈ చిత్రం రెండు భాగాలుగా రెడీ అవుతోంది. ఇప్పటికే మొదటి భాగం షూటింగ్ 90శాతం కంప్లీట్ అయిందని టాక్. ఇప్పటికైతే పుష్ప ఫస్ట్ పార్ట్ ఓ సాంగ్ వరకే బాలన్స్ ఉందని సమాచారం. అయితే సుకుమార్ - దేవిశ్రీ - బన్నీ కాంబోలో రాబోతున్న మూడో సినిమా ఇది.

ఇదిలా ఉండగా.. ఈ సూపర్ హిట్ కాంబినేషన్ లో ఇదివరకు విడుదలైన ఆర్య - ఆర్య2 మూవీస్ ఆడియో పరంగా ఎంతటి బిగ్ హిట్ అయ్యాయో తెలిసిన విషయమే. అయితే తాజా సమాచారం ప్రకారం.. పుష్ప నుండి ఫస్ట్ సింగిల్ జులై ఫస్ట్ వీక్ లో రాబోతుందని ఇండస్ట్రీ టాక్. ఆల్రెడీ దేవిశ్రీ ప్రసాద్ పుష్ప కోసం అదిరిపోయే ట్యూన్స్ రెడీ చేసినట్లు తెలుస్తుంది. అలాగే సుక్కు - బన్నీ - దేవి కాంబినేషన్ అంటేనే సాంగ్స్ పరంగా అంచనాలు ఏ స్థాయిలో నెలకొంటాయో విదితమే. అయితే మరోసారి ఆర్యా - ఆర్యా-2 మ్యూజిక్ మ్యాజిక్ రిపీట్ కాబోతుందని పుష్ప ఫ్యాన్స్ ఎక్సపెక్ట్ చేస్తున్నారు. చూడాలి మరి ఎలా ఉండబోతుందో..!