పుష్ప విలన్ గురించి మళ్లీ చర్చ మొదలు

అల్లు అర్జున్‌.. సుకుమార్ ల మోస్ట్‌ అవైటెడ్‌ మూవీ పుష్ప లో విలన్ గా ఫహద్ ఫాజిల్ నటిస్తున్నట్లుగా అధికారికంగా క్లారిటీ వచ్చింది. సినిమాలో విలన్ ఎవరు ఎవరు అంటూ ఆమద్య సోషల్ మీడియా మరియు వెబ్‌ మీడియాలో జోరుగా పుకార్లు షికార్లు చేశాయి. టాలీవుడ్‌ నుండి మొదలుకుని బాలీవుడ్ వరకు ఎంతో మంది హీరోలు స్టార్‌ నటుల పేర్లు పుష్ప సినిమా విలన్ గా ప్రచారం జరిగాయి. చివరకు మలయాళ స్టార్‌ నటుడు అయిన ఫహద్‌ ను ఎంపిక చేశారు. దాంతో పుష్ప విలన్‌ చర్చకు ఫుల్‌ స్టాప్‌ పడిందనుకుంటున్న సమయంలో మళ్లీ చర్చ మొదలయ్యింది.

ఇటీవల పుష్ప సినిమా ను రెండు పార్ట్‌ లు గా తీసుకు రాబోతున్నట్లుగా చెబుతున్నారు. మొదటి పార్ట్‌ లో కంటే రెండవ పార్ట్ లో ఫహద్ రోల్‌ ఎక్కువగా ఉంటుందని మేకర్స్ అనధికారికంగా చెబుతున్నారు. మొదటి పార్ట్‌ లో విలన్ గా ఫహద్‌ చివరి అరగంటలో మాత్రమే కనిపిస్తాడట. కేజీఎఫ్‌ 2 లో సంజయ్‌ దత్త్‌ రోల్‌ మాదిరిగా పుష్ప సెకండ్‌ పార్ట్‌ లో ఫహద్‌ రోల్‌ ఉంటుందని అంటున్నారు. మరి పుష్ప ఫస్ట్‌ పార్ట్‌ విలన్‌ పరిస్థితి ఏంటీ అనేది ఇప్పుడు కొందరు వేస్తున్న ప్రశ్న.

పుష్ప సినిమా మొదటి పార్ట్‌ లో మరో కీలక విలన్‌ కనిపించే అవకాశం ఉందంటున్నారు. మొదటి పార్ట్‌ విలన్ కోసం ఎవరిని ఎంపిక చేస్తున్నారు అనేది చూడాలి. ఇప్పటికే ఎంపిక చేసి ఉంటారని కూడా టాక్ వస్తుంది. షూటింగ్‌ శరవేగంగా జరుగుతున్న సమయంలో కరోనా సెకండ్‌ వేవ్‌ వల్ల కాస్త అటు ఇటు అవుతుంది. పుష్ప మొదటి పార్ట్‌ ను ఆగస్టులో విడుదల చేయాలని సుకుమార్‌ పట్టుదలతో ఉన్నాడు. మరి సాధ్యం అయ్యేనా చూడాలి.