పుష్ప విడుదల.. 'మహేష్'కు దారిలేకుండా చేస్తోందా??

టాలీవుడ్ స్టైలిష్ స్టార్ అల్లు అర్జున్.. ప్రస్తుతం నటిస్తున్న పాన్ ఇండియా మూవీ పుష్ప విడుదల తేదీ ప్రకటించడంతో ఒక్కసారిగా ఇండస్ట్రీ ఆశ్చర్యపోయింది. పుష్ప నిర్మాతలు మైత్రి మూవీ మేకర్స్ వారితో కలిసి బన్నీ సడన్ గా ప్రకటించడంతో ఇండస్ట్రీలోని మిగతా హీరోలను వేగవంతం చేస్తోంది. ఈ ఏడాది ఆగష్టు 13న అల్లు అర్జున్ పుష్ప విడుదల తేదీని లాక్ చేసేసాడు. ఈ సడన్ సర్ప్రైజ్ చూస్తుంటే టాలీవుడ్ సూపర్ స్టార్ మహేష్ బాబును దృష్టిలో పెట్టుకొని ఆ తేదీ ప్రకటించాడని ఇండస్ట్రీ వర్గాలలో వార్తలు వినిపిస్తున్నాయి. ప్రస్తుతం మహేష్ నటిస్తున్న చిత్రం సర్కారు వారి పాట. ఈ సినిమాను మహేష్ బాబు మొదటి నుండి ఆగష్టు ఫస్ట్ వారంలో విడుదల చేయాలనీ భావిస్తున్నాడట. అన్ని అనుకున్నట్లుగా సర్కారు వారి పాట మూవీ గతేడాది నవంబర్ లో ప్రారంభం అయ్యుంటే ఆగష్టు నెలలో రిలీజ్ అని అనుకున్నాడట. అయితే ఇప్పుడు అల్లు అర్జున్ ఆగష్టులో తన సినిమా లాక్ చేయడంతో వేరే ఆప్షన్స్ కనిపించడంలేడని వార్తలు చక్కర్లు కొడుతున్నాయి.

అయినా మహేష్ బాబు జనవరి 25, 2021వరకు సర్కారు షూట్ ప్రారంభించలేదు. కాబట్టి ఆగస్టు విడుదలకు మహేష్ సిద్ధం కావడం సాధ్యం కాదు. మహేష్ ఇంకా వేరే ఆప్షన్స్ చూసుకునే లోపల అల్లు అర్జున్ “పుష్ప” విడుదల తేదీ ప్రకటించాడు. ఆ విధంగా మహేష్ లాక్ అయిపోయినట్లు అనిపిస్తుంది. ఇక మహేష్ సర్కారు మూవీని సెప్టెంబర్ నెలలో ఫిక్స్ చేసుకోవాలి లేదంటే వచ్చే ఏడాది సంక్రాంతి అయితే ఇంకా బెటర్ అని ట్రేడ్ వర్గాలు చెబుతున్నాయి. ఎందుకంటే దసరా ఫెస్టివల్ రిలీజ్ రాజమౌళి ఆర్ఆర్ఆర్ మూవీని ఫిక్స్ చేసాడు. కాబట్టి మహేష్ కు ఛాయస్ లేదనిపిస్తుంది. ఇదివరకు 'అల వైకుంఠపురంలో' మూవీ టైంలో సరిలేరు నీకెవ్వరూ మూవీని ముందే విడుదల చేసి థియేటర్లు దొరకకుండా ఇబ్బందికి గురయ్యాడని గమనించి.. ఈసారి అల్లు అర్జున్ ముందే పుష్పను లాక్ చేసినట్లు సమాచారం. చూడాలి మరి మహేష్ ఇంకో డేట్ ఏదైనా ప్రకటిస్తాడేమో!