#పుష్ప సీక్రెట్స్.. మారేడుమిల్లి అడ‌వుల్లో ఏం జ‌రుగుతోంది?

టైలిష్ స్టార్ అల్లు అర్జున్ - సుకుమార్ క‌ల‌యిక‌లో తెర‌కెక్కుతున్న‌ పాన్-ఇండియా యాక్షన్ చిత్రం `పుష్ప‌`. ఇంత‌కుముందు తూ.గో జిల్లా మారేడుమిల్లి అడ‌వుల్లో ఈ సినిమాకి సంబంధించిన కీల‌క షెడ్యూల్ ని తెర‌కెక్కించిన సంగ‌తి తెలిసిందే. అనంత‌రం సెకండ్ వేవ్ వ‌ల్ల షూటింగుకి బ్రేక్ ప‌డింది.

ప్ర‌స్తుతం షూటింగులతో ప‌రిశ్ర‌మ స్వింగ్ లోకి వ‌చ్చింది. ఈ వారం ప్రారంభంలో హైదరాబాద్ లో ఈ చిత్రం మొదటి భాగం కోసం పెండింగ్ షూటింగ్ ను తిరిగి ప్రారంభించారు. స్టైలిష్ స్టార్ అల్లు అర్జున్ ఇతర ప్రధాన తార‌లపై కీలక సన్నివేశాలను తాజా షెడ్యూల్ లో చిత్రీకరించనున్నారు. `పుష్ప` హైదరాబాద్ షెడ్యూల్ జూలై చివరి నాటికి ముగుస్తుంది. తుది షెడ్యూల్ కోసం ఈ బృందం ఆగస్టులో తూర్పు గోదావరి జిల్లాలోని `మారేడుమిల్లి` అటవీ ప్రాంతానికి తిరిగి వెళ్తుంది. సుమారు 15 రోజుల పాటు చిత్రీక‌ర‌ణ సాగుతుంది. తుది షెడ్యూల్ లో హై ఆక్టేన్ యాక్షన్ సీక్వెన్స్ లు స‌హా కొన్ని పాటలను చిత్రీకరిస్తారు.

`పుష్ప`లో మాలీవుడ్ స్టార్ ఫహద్ ఫాసిల్ విల‌న్ గా న‌టిస్తుండ‌గా.. రష్మిక మంద‌న్న క‌థానాయిక‌గా న‌టిస్తోంది. మైత్రి మూవీ మేకర్స్ - ముత్తంశెట్టి మీడియా సంయుక్తంగా నిర్మిస్తున్నాయి. దేవీశ్రీ ప్ర‌సాద్ ఈ చిత్రానికి సంగీతం అందిస్తున్నారు. ఆర్య త‌ర్వాత మ‌ళ్లీ ఆ రేంజులో ఆల్బ‌మ్ ని ఈ మూవీ కోసం రెడీ చేస్తున్నార‌ని స‌మాచారం.