పుష్ప సాంగ్.. బుడ్డోళ్లు ఇరగదీశారుగా..

అల్లు అర్జున్ నటించిన పుష్ప సినిమా సౌత్ ఇండస్ట్రీలో ఎలాంటి విజయాన్ని సాధించిందో అదే తరహాలో నార్త్ ఇండస్ట్రీలో కూడా మంచి క్రేజ్ అందుకున్న విషయం తెలిసిందే. ఒక విధంగా ఈ సినిమాకు హిందీలో పెద్దగా ప్రమోషన్ చేయక పోయినప్పటికీ కూడా అక్కడ వందకోట్ల కలెక్షన్స్ అందుకోవడం విశేషం. అల్లు అర్జున్ క్రేజ్ ఏ స్థాయికి పెరిగిపోయిందో రెగ్యులర్ గా సోషల్ మీడియా ని ఫాలో అయితే ఈజీగా అర్థమవుతుంది.

చిన్న హీరోల నుంచి ఇంటర్నేషనల్ క్రికెటర్స్ వరకు అందరు కూడా పుష్ప రాజ్ స్టైల్ను ఫాలో అవుతున్నారు. తగ్గేదే లే అంటూ అన్ని వర్గాల వారు కూడా సోషల్ మీడియాలో పుష్ప రాజ్ డైలాగ్స్ న్7 బాగానే వైరల్ అయ్యేలా చేశారు. అయితే సినిమాలోని పాటలు కూడా అక్కడ జనాలకు బాగా కనెక్ట్ అయ్యాయని చాలా ఈజీగా అర్థమవుతుంది.

ముఖ్యంగా సామీ సామీ పాట కూడా బాగా పాపులర్ అయింది. రీసెంట్ గా ఒక బుల్లితెర డాన్స్ ప్రోగ్రాం లో ఇద్దరు చిన్నారులు చేసిన పుష్ప పాటకు అందరు కూడా ఫిదా అయ్యారు.

సామీ సామీ పాటకు అల్లు అర్జున్ రష్మిక మందన తరహాలోనే చిన్నారి జంట అద్భుతంగా ప్రజెంట్ చేసింది. కలర్స్ ప్రోగ్రాం లో మంచి క్రేజ్ అందుకున్న డాన్స్ ప్రోగ్రాంలో వీరిద్దరూ కలిసి డ్యాన్స్ చేసిన విధానానికి ప్రతి ఒక్కరు కూడా ఫిదా అవుతున్నారు

ప్రస్తుతం అందుకు సంబంధించిన వీడియో సోషల్ మీడియాలో కూడా వైరల్ గా మారిపోయింది. వేగంగా స్టెప్పులు వేస్తూ పుష్ప రాజ్ డైలాగ్ ను కూడా పర్ఫెక్ట్ గానే దించేశారు. వీరి పాటకు ప్రముఖ బాలీవుడ్ నటీనటులు కూడా లేచి నిలబడే స్టాండింగ్ ఒవేషన్ ఇచ్చారు.

పుష్ప రాజ్ సినిమా ఏ స్థాయిలో సక్సెస్ అయిందో మరో సారి చాలా క్లారిటీ గా అర్థం అవుతోంది కేవలం వెండి తెరపైనే కాకుండా బుల్లితెరపై కూడా పుష్ప డైలాగులు గట్టిగానే వినిపిస్తున్నాయి. ఇక పుష్ప సెకండ్ పార్ట్ ఇంకా ఏ స్థాయిలో సక్సెస్ అవుతుందో చూడాలి.