పుష్ప సాంగ్స్.. నెంబర్ వన్ రికార్డ్!

సుకుమార్ అల్లు అర్జున్ కలయికలో వచ్చిన పుష్ప సినిమా పాన్ ఇండియా బాక్సింగ్ వద్ద ఎలాంటి రికార్డును అందుకుందో ప్రత్యేకంగా చెప్పనవసరం లేదు. అయితే ఈ సినిమా పాటలు కూడా ఒక విధంగా సినిమాకు చాలా హెల్ప్ అయ్యాయి అని చెప్పాలి.

సినిమా విజయంలో సంగీత దర్శకుడు దేవిశ్రీప్రసాద్ పోషించిన పాత్ర చాలా ఎక్కువగానే ఉంది. కేవలం పాటలు మాత్రమే కాకుండా బ్యాగ్రౌండ్ మ్యూజిక్ కూడా అద్భుతంగా ఇవ్వడంతో సినిమా అన్ని వర్గాల ప్రేక్షకులకు కూడా ఎంతగానో ఎట్రాక్ట్ చేసింది.

అయితే ఈ సినిమా సాంగ్స్ ఇదివరకే ఒక్కొక్కటి సోషల్ మీడియాలో సరికొత్త రికార్డులను అందుకోగా ఇప్పుడు ఆల్బమ్ మొత్తంగా మరొక సరికొత్త రికార్డును క్రియేట్ చేసింది. ఇండియాలో ఇప్పటివరకు అత్యధిక యూ ట్యూబ్ వ్యూవ్స్ అందుకున్న బెస్ట్ యూ ట్యూబ్ ఆల్బమ్ గా పుష్ప సినిమా సాంగ్స్ నిలవడం విశేషం. దేవిశ్రీప్రసాద్ త్వరపరిచిన సంగీతానికి మరో స్థాయిలో శ్రోతలు బ్రహ్మరథం పట్టారు అనే చెప్పాలి.

సుకుమార్ దర్శకత్వంలో ప్రతి సినిమాకు వర్క్ చేసే దేవి శ్రీ ప్రసాద్ అద్భుతమైన పాటలు అందిస్తూ ఉంటాడు. వీరి కలయికలో సినిమా వచ్చింది అంటే ముందుగా పాటలు తప్పకుండా ఆకట్టుకుంటాయి అని ప్రేక్షకుల్లో ఒక బలమైన నమ్మకం అయితే ఏర్పడింది.

ఇక ఈసారి కేవలం తెలుగులోనే కాకుండా తమిళం మలయాళం కన్నడ హిందీ భాషల్లో కూడా విడుదలైన పాటలకు మంచి రెస్పాన్స్ అయితే వచ్చింది. దీంతో మొత్తంగా పుష్ప సినిమా ఆల్బమ్ 5 బిలియన్ యూట్యూబ్ వ్యూవ్స్ అందుకోవడం విశేషం.

ఇదివరకే అల్లు అర్జున్ అలవైకుంఠపురములో సినిమా ఆల్బమ్ కూడా భారీ స్థాయిలో వ్యూవ్స్ అందుకున్న విషయం తెలిసిందే. ఆ సినిమాకు అన్ని పాటలు కూడా థమన్ కంపోజ్ చేశాడు. ఇక ఇప్పుడు దేవిశ్రీప్రసాద్ ద్వారా బన్నీ మరో బెస్ట్ ఆల్బమ్ అందుకోవడం విశేషం. పుష్ప సెకండ్ పార్ట్ కోసం కూడా దేవి శ్రీ ప్రసాద్ అదిరిపోయే విధంగా ట్యూన్స్ కంపోజ్ చేయడానికి సిద్ధమవుతున్నాడు. మరి సెకండ్ పార్ట్ ఆల్బమ్ ఎంతవరకు సక్సెస్ అవుతుందో చూడాలి.