రంగమ్మత్తను బన్నీ వద్దన్నాడా?

బుల్లి తెరపై సెన్షేషన్‌ క్రియేట్‌ చేసిన అనసూయ రంగమ్మత్తగా రంగస్థలం చిత్రంతో మరో లెవల్‌ కు చేరింది. సుకుమార్‌ దర్శకత్వంలో వచ్చిన రంగస్థలం చిత్రంలో రంగమ్మత్త పాత్ర ఏ స్థాయిలో హిట్‌ అయ్యిందో ప్రత్యేకంగా చెప్పనక్కర్లేదు. సినిమా సూపర్‌ హిట్‌ అవ్వడంతో అనసూయకు మరిన్ని ఆఫర్లు వచ్చాయి. రంగస్థలం తర్వాత దర్శకుడు సుకుమార్‌ చేస్తున్న మూవీ పుష్ప. బన్నీతో రూపొందుతున్న ఈ సినిమాలో సెంటిమెంట్‌ తో అనసూయను తీసుకోవాలనుకున్నాడట. అందుకోసం ఆమెకు ఒక మంచి పాత్రను సైతం క్రియేట్‌ చేయడం జరిగిందట.

సుకుమార్‌ క్రియేట్‌ చేసిన ఆ పాత్రకు అనసూయ కంటే నివేదా థామస్‌ బాగా సూట్‌ అవుతుందని బన్నీ అభిప్రాయ పడ్డాడట. ఒక పాటతో పాటు కొన్ని రొమాంటిక్‌ సీన్స్‌ కూడా ఉండటంతో అనసూయ కంటే హీరోయిన్‌ అయితేనే ఆ పాత్రకు బాగుంటుందని అందుకే అనసూయ కాకుండా నివేదాను ఎంపిక చేయాలంటూ సుకుమార్‌ కు బన్నీ సూచించాడట. సుకుమార్‌ కూడా బన్నీతో ఏకీభవించినట్లుగా సమాచారం. అందుకే పుష్ప చిత్రంలో అనసూయ ఉండక పోవచ్చు అంటున్నారు.

పుష్ప ఛాన్స్‌ మిస్‌ అయినా కూడా అనసూయ చేతిలో చాలా సినిమాలే ఉన్నాయంటున్నారు. ఆమె ఒప్పుకుంటే చాలుగాని హీరోయిన్‌ గా కూడా సినిమా చేయాలని పలువురు ఎదురు చూస్తున్నారు. ఇక బాలయ్య.. బోయపాటిల కాంబో మూవీలో ఈమెను నటింపజేస్తున్నట్లుగా తెలుస్తోంది. చిరంజీవి ఆచార్యలో కూడా అనసూయ కీలక పాత్రలో కనిపించబోతున్నట్లుగా చెబుతున్నారు. కాని పుష్పలో నటిస్తే మరో రంగమ్మత్త స్థాయి పాత్రను అనసూయ దక్కించుకునేది మంచి ఛాన్స్‌ మిస్‌ అయ్యిందని ఫ్యాన్స్‌ నిరుత్సాహం వ్యక్తం చేస్తున్నారు.