బాలీవుడ్ పై పుష్ప టీమ్ స్పెషల్ ఫోకస్..!

ప్రస్తుతం కరోనా కారణంగా టాలీవుడ్ ఇండస్ట్రీలో సినిమాలన్ని వాయిదా పడ్డాయి. అలాగే రిలీజ్ విషయాలు కూడా పక్కన పెట్టేసారు. కానీ బాగా ఆలస్యం అవుతుందని భావించిన సినిమాలు ఓటిటి వేదికగా ప్రేక్షకుల ముందుకు వస్తున్నాయి. ఎందుకంటే షూటింగ్స్ అనుకున్న షెడ్యూల్లో జరిగితే ఇదివరకు ప్రకటించిన తేదీలలో సినిమాలు రిలీజ్ అయ్యేవి. కానీ ఓవైపు కరోనా విలయతాండవం చేస్తుండటంతో జనాలంతా ప్రాణాలు గుప్పిట్లో పెట్టుకొని బ్రతుకుతున్నారు. అలాగే మేకర్స్ కూడా అన్ని సర్దేసి ఎవరిళ్లకు వారు చేరుకున్నారు. ఇలాంటి తరుణంలో సినిమా రిలీజ్ గురించి మాట్లాడుకోవడం కరెక్ట్ కాదని అందరూ సైలెంట్ అయిపోయారు.

కానీ సినిమాలకు సంబంధించిన రూమర్స్ మాత్రం మేకర్స్ చెప్పకపోయినా వైరల్ అవుతూనే ఉంటాయి. ప్రస్తుతం స్టైలిష్ స్టార్ అల్లు అర్జున్ - సుకుమార్ కాంబినేషన్ లో పుష్ప సినిమా తెరకెక్కుతున్న విషయం తెలిసిందే. పాన్ ఇండియా స్థాయిలో రూపొందుతున్న పుష్ప సినిమాను ఈ ఏడాది ఆగష్టు 13న రిలీజ్ చేయనున్నట్లు అధికారికంగా ప్రకటించారు. కానీ ప్రస్తుతం పరిస్థితులు అనుకూలంగా లేవు కాబట్టి సినిమాను వాయిదా వేసే ఆలోచనలో ఉన్నట్లు టాక్ నడుస్తుంది. అదికూడా పుష్ప సినిమాను మేకర్స్ దసరా ఫెస్టివల్ కు షిఫ్ట్ చేస్తున్నారని టాక్. ఒకవేళ ఇప్పడు రిలీజ్ కు సిద్ధంగా ఉన్నటువంటి సినిమా కరెక్ట్ టైంకు రిలీజ్ అయితే మాత్రం పుష్ప.. దసరాకు వచ్చే అవకాశం ఉందని పుకార్లు వైరల్ అవుతున్నాయి.

ఇదిలా ఉండగా.. సుకుమార్ దర్శకత్వంలో బన్నీ - దేవిశ్రీప్రసాద్ మూడో కాంబినేషన్ ఇది. ఈసారి పాన్ ఇండియా మూవీ అనేసరికి ఫ్యాన్స్ అంచనాలు ఓ రేంజిలో నెలకొన్నాయి. అయితే ఇప్పటివరకు వీరి కాంబినేషన్ లో వచ్చిన ఆర్యా - ఆర్య-2 సినిమాలు ఆడియో పరంగా ఏ రెంజీలో హిట్ అయ్యాయో తెలిసిందే. అయితే ఈసారి కూడా పుష్ప ఆడియో పై స్పెషల్ కేర్ తీసుకుంటున్నారట. అందుకే ఇప్పుడు సౌత్ లో ఎలాగో దేవిశ్రీ ఆడియో గురించి తెలుసు కాబట్టి.. ప్రస్తుతం నార్త్ లో కూడా అంటే పుష్ప హిందీ ఆల్బమ్ పై కూడా బాగా కసరత్తు చేస్తున్నారట. హిందీలో ఆల్రెడీ దేవికి మంచి నేమ్ ఉంది. ఈసారి హిందీలో దేవికి బన్నీకి బాలీవుడ్ లో ఫేమ్ కోసం సాలిడ్ హిట్ ట్రాక్స్ రెడీ చేస్తున్నారట. చూడాలి మరి ఆల్రెడీ ఓ బాలీవుడ్ యాక్ట్రెస్ పుష్ప ఐటమ్ సాంగ్ లో ఆడిపాడనుందని తెలిసిందే. ఇక ఈ సినిమాలో రష్మిక మందన హీరోయిన్ కాగా మైత్రి మూవీ మేకర్స్ సినిమాను నిర్మిస్తున్నారు.